芝士焗通粉

放完幾個月悠長產假，上個月底終於復工。現在每日都要安排湊B、做家務和入廚時間，在職媽媽不易做，恨不得每日有48小時。雖然好多朋友都勸我放工後好好休息，不要堅持每晚三餸一湯，不過為了囡囡可以食到有營養的母乳，可以避免的話都不想食外賣。為了方便有時亦會週日準備定星期一的晚餐，芝士焗通粉可以預早準備，放工回家放入焗爐便可，非常方便。

今次食譜我用了中濃度(Medium Age)的車打芝士和淡味的水牛芝士，芝士控可選用Aged Cheddar ，芝士味會較濃。


視像示範:

吞拿魚芝士焗薯

週末的早餐我喜歡All Day Breakfast。除了煙肉、腸仔、多士、蛋，沙甸魚亦是我們碟上的"常客"。食法好簡單，只要拉開罐頭蓋，將整罐魚放入焗爐輕輕加熱幾分鐘，再將暖暖的沙甸魚塗在多士上 (可以加蕃茄或牛油果，味道會更正)。揀選沙甸魚我覺得除了產地很重要之外，製作過程亦很重要。葡國老人牌是100%葡萄牙製造，優質天然，鮮捕鮮製，符合我的要求。

查看資料才知，Porthos擁有超過100年製造罐頭魚的經驗，以葡萄牙傳統製法揉合百年經驗精心製造，而且產品是以人手處理，確保產品能夠長期維持高質水準。而重點，是一開罐頭，條魚仲好整齊，不會蓉蓉爛爛。

不過今次project 的主角其實是Porthos的新產品，吞拿魚。吞拿魚食法千變萬化，可以當前菜或正餐，冷熱食皆宜。今次我用吞拿魚做了個小點，可以做party小食，亦可當晚餐的side dish。為了令味道更豐富，今次特別選用了"辣油"口味。值得一提，是老人牌吞拿魚是採用菜油製成，不會為了味道而犠牲了健康。

焗豬扒飯

香港物價貴租又貴，今時今日去茶餐廳食飯，一個set 都要 $40-50，而重點，碟頭還要比以前細。有時情願在家中煮即食麵都不願落街食飯。沒有去茶記一段時間，最掛住焗豬扒飯，其實在家亦可以做到茶記的味道，雖然步驟多，但唔算難。

焗飯當然要配炒飯底，不過如果想慳時間，用白飯亦可 。有睇 <食神> 都知，炒飯一定要用冷飯，不過若果沒有的話亦可即時煮(煮時用九成水，讓飯可較乾身) 。至於將汁，可視乎個人喜好控制稀稠，我喜歡較稠的醬汁，所以只落了 1杯雞湯。若果喜歡較稀的茄汁醬，可落1 1/4杯，不過始終是焗飯，不建議煮到醬汁太稀，否則焗時飯會吸收汁的水份，令到飯底發脹變腍。

至於芝士，我用了mozarella 同 parmesan (mozarella 可做到一絲絲的效果，parmesan 焗起有點脆面，好香口)。最後要提一提，豬扒煎好後最好切成條再放回飯面，食時會較方便。今次醬汁比較濃，所以只要用質素較高的冰鮮豬扒就可以。

Sadia 有骨豬扒 2塊

麵粉  少許

(豬扒醃料)

生抽  1湯匙

糖 1/2 茶匙

黑胡椒粉 1/4茶匙

(飯底)

蛋 2 隻, 打散

蒜蓉 1/2茶匙

冷飯 2 碗

(醬汁)

蒜蓉 1茶匙

洋蔥 1/2個, 切條

番茄 2個, 切件

茄膏 2湯匙

雞湯 1 - 1 1/4杯

麵粉  2湯匙

鹽/糖/黑椒  各1/4茶匙

水牛芝士/巴馬臣芝士  各1/4杯

1. 醃料混合後醃豬扒最少30分鐘，期間可準備其他材料

2. (炒飯底)用少許油，炒香蒜蓉，加入冷飯，炒熱後加入蛋炒香，盛起，放在焗盤備用

3. (醬汁) 先爆香洋蔥和蒜蓉，加入蕃茄和茄膏再炒2-3分鐘

4. 麵粉和雞湯混合後倒入蕃加裡，用鹽/糖/黑椒調味，煮至醬汁變稠，盛起備用

5. 在已醃好的豬扒上撲麵粉，用高火煎香兩面至金黃，放在炒飯上 (豬扒可切件)

6. 淋上茄醬，再灑上芝士碎，在預熱230度焗爐裡焗 15分鐘，至芝士表面金面即可

黑白土匪雞翼

不管白貓黑貓，捉到老鼠就是好貓。不管白土匪黑土匪，好食就是好土匪 ^_^"" 很爛的笑話。土匪雞翼一般都是"黑"的，不過上星期剛剛買了一大樽白芝麻，所以就想到可以做個黑白土匪。

說到土匪雞翼，大家一定會想起譚仔。常聽到朋友說$5-6元一隻雞翼很貴，在家中做便宜很多。事實上，都視乎用料，我今次買了較大隻的雞翼，平均都$2一隻，還有燈油火蠟和製作時間，原來譚仔又不是想像中那麼貴。話雖如此，我始終喜歡自家製。

土匪雞翼的主要調味是孜然粉(cumin)，大家可按個人口味加減。孜然粉其實只有香味和點點辣味，所以有些食譜會用生抽調味，我自己就比較喜歡用鹽，因為較能突出孜然的味道。如果有時間的話，最好醃3 小時以上(我喜歡上班前醃，到放工有大約10小時)，雞肉會較入味，而不只是雞皮有味。

叻沙薯片

薯片和啤酒是每一場賽事必備的。啤酒我還未懂得自已釀，不過最近就開始自家焗薯片。焗薯片比炸薯片用較少油，健康得多。自家製當然要盡量做些平時買不到的味道。咖哩味和辛辣味就買得多, 叻沙味印象中未見過, 即管試試。

製作超容易, 最緊要是薯仔切得夠薄(切得越薄焗完就越脆)，今次絕對是練刀工的好機會。另外一個重要步驟就是將薯仔表面的澱粉質用凍水沖洗，焗時薯片會較易脆身。

市面上有幾個牌子的叻沙醬，今次我用了來自馬來西亞的。叻沙是星馬印的特色，所以選購叻沙醬我首選是用來自星馬印的品牌，感覺口味會較地道。一般焗薯片需在薯片上塗上一層薄薄的橄欖油再調味，不過今次用的叻沙醬已經有油，所以不用另外加油已經做到好脆的口感。

Ayam Brand有兩款叻沙醬 Laksa Paste 同 Laksa Sauce，"paste" 是較稠的那一款，較適合做今次的薯片調味 (醬汁太稀會較難焗脆)。

焗薯皮 (墨西哥style)

世界盃今晚開鑼，你支持那一隊? 我曾經被批評為一個不合格的"睇波伴侶"，不過我已經盡量學，現在，起碼我知道越位是什麼，還有十二碼和自由球的分別。算是合格吧 ^_^""  雖則我不是個合格球迷，不過做個合格女友就難不到我 =P 除了充當"人肉鬧鐘"，當然要負責睇波時的小食啦 ! 所以今個月，我分享的主要會是小食食譜，畢竟相對睇波，我對煮食較有興趣 ~

焗薯皮是在酒吧睇波時必點的小食，其實自已製作都很容易。早一兩年分享過簡易版的焗薯皮食譜，一路都是十大最受歡迎食譜之一，所以最近研究了另一個味道較豐富的版本，希望大家喜歡。

必需一提，焗薯皮最好是用焗薯，不過香港較難買到，多數買到的是較薄皮的新薯，沒有辦法，唯有將就一下(我今次都是用新薯)~

車厘茄意大利麵包 (Cherry Tomatoes Focaccia)

家中廚房很細，所以一直沒有買麵包機。對我來講，做麵包最難的不是搓粉糰，而是控制發酵時間，尤其是冬天，因室內沒有暖氣，室溫得十幾度，發酵時間變得好長。自從用了東芝的變頻式蒸氣微波爐，做麵包簡單了很多，只要用發酵設定就可以輕易控制發酵溫度和時間。

好多時在麵包店買到的focaccia的配料都是香草、橄欖或芝士，自家製的話當然要特別少少，而我最愛的就是蕃茄和洋蔥，簡單又好味。今次的洋蔥焗前我用了balsamic vinegar略炒，一來是令洋蔥焗時更易熟，另外當然是增強味道和層次。

巴馬魚柳卷

巴馬火腿的最佳拍檔一定是哈蜜瓜。不過貪心的我，每次都會買三至四款ham....好多時都會剩下一些食不完。最近發現一個新的火腿食法，就是用火腿卷實魚柳，因為魚柳本身味道較淡(只有鮮味)，配合濃味的火腿，效果幾好。今次的新嘗試我只是用了冰鮮魚柳，所以準備工夫不能懶，否則就會食到冰鮮魚柳的雪味; 做法很簡單，就是先用調味將魚柳略醃，而我最喜歡的醃料就是香草和黑椒。不過如果覺得黑椒同白色的魚柳不太配的話，亦可改用白胡椒(味道當然是黑椒較突出)。雖然相影得不清楚，但其實魚柳下有一片蕃茄，食時蕃茄和魚柳的口感差不多(好juicy)，大家可以試試~

中式烹調 101

中國五千多年的飲食文化，烹調技巧數之不盡，以下同大家分享幾個較常用的煮法及流程:

水烹 - 以液體(水/湯/汁) 煮熟食材
煮 - 最基本的水烹方法，將生的食材放入鍋中，注入大量水或湯汁，以大火滾起，再轉用中火加熱，至食材差不熟透才加入調味
灼 - 將易熟之食材切成薄片或整件投入滾水中，以極短時間煮熟，盛起後拌入調味或以醬汁蘸食
烚 - 將食材置在滾水中，改以慢火煮熟，通長烹調時間較長
燒 - (如紅燒/乾燒)將食材走油或汆水後，以輔料(如蒜或蔥)起鑊，加入主要食材和醬油後再加上湯或調味，以大火燒滾，改用中慢火加熱至材料軟腍及調味滲透便可，如果是紅燒的話，最後要以大火收汁及勺芡
炆 - 食材經炸或爆至六七成熟後加入輔料和調味，最後加入湯水蓋上蓋，以慢火炆腍
燴 - 食材經過切煎炸或汆水後再回鍋，加入大量湯汁再煮，令食材的味道可溶於湯汁中
扒 - 與燴略同，但較少汁且芡汁較濃
滷 - 用滷汁(紅或白)以慢火煮至入味，凍熱食均可
燉 - 將食材和水放入容器(燉盅)內，將燉盅置於有滾水鍋中，用文火長時間烹煮，燉出的湯味會較煲的較清
浸 - 將材料放入滾水或上湯，用慢火浸熟食材直至剛熟



氣烹 
蒸 - 以水蒸氣煮熟食材，將處理好的食材以器皿盛好，放在猛火的滾水上蒸
燻- 把燻料放在鍋裏，加上網架，再把食材放在架上，蓋上蓋，以大火燒至鑊內冒煙，以煙將食材燻熟


油烹
炒 - 清炒, 乾炒 - 將食材真接放入鑊中，由生炒到熟，多數是較易熟的食材如肉片，海鮮或菜類
爆 - 先熱鑊再落油，油熱後，以中火爆香蔥，蒜洋蔥或辣椒等輔料，至香氣散出才加入主食材(切勿加水)油爆, 醬爆, 蔥爆
炸 - 酥炸, 脆炸
煎 - 以適量的油將食材煎至金黃 (小貼士: 若油夠熱的話食材便不會黏底)



火烹
燒(烤) - 將食材放在明火上/附近烤熟
焗 - 將食材放入焗爐中烤熟



其它烹調方法:
拌 - 將生或熟材料切好後，加入各種調味拌勻，多數以醬油、醋、麻油及辣味為主，特點是味道清涼可口及開胃

香草鹽焗蝦

早兩個星期去咗土瓜灣一間餐廳仔食晚飯。當晚老闆介紹咗"必食"的招牌低溫焗雞，煮法有六七種，最終揀咗時令o既栗子配黑松露菌醬。我係第一次食黑松露菌同栗子哩個配撘，又真係估唔到兩樣野味道咁夾。遲啲有時間要研究吓點煮...成功的話就同大家分享啦~

除咗低溫焗雞之外，嗰晚仲試咗個鹽焗蝦。鹽焗雞或者椒鹽蝦就食得多，鹽焗蝦就真係第一次。煮法尤如其名，真係用鹽去焗啲蝦。早兩晚終於有時間上網搵咗幾個食譜試煮。值得一題就係哩個食譜最好用粗鹽，用幼鹽的話焗用之後啲鹽會好似麵粉咁黐住哂啲蝦殼(脫殼時鹽仲會黐埋啲蝦肉到...令到蝦變得超咸)。焗前我用咗少少橄欖油塗在蝦殼表面，令到蝦出爐後蝦殼會變得脆脆。 至於香草方面，蕃茜是用鮮的，刁草同羅勒都係貪方便用乾貨(用鮮的相信味道會更香)。

沙樂美蘑菇香草批

二十幾近三十度的室溫，最適合就係整吓麵包同pizza，因為麵糰會比得十幾度嗰時發得快好多。平時冬天要等兩個幾三個鐘麵糰先發好，夏天就差多一半時間多啲就發起，真係慳水慳力。 其實之前都已經介紹過pizza 個批皮，今次個底基本上同之前一樣，只係加咗啲香草入去。過幾日我會試改用wheat flour 同 rye flour，而家咩都講求健康同高纖，所以自家廚房出品都會盡量做到最健康， 研究到好味就同大家分享啦~

蘑菇焗蛋餅

好多時買材料煮西餐，只係用得一部份，到第二晚，因為唔想食同昨晚同樣的菜色，最終，都係浪費剩餘食材。尋日朝早打開雪櫃，又"發現"一啲前晚的剩餘物資，諗咗一諗，見到有蛋，不如就整個frittata啦。

傳統的做法，會先將材料爆香至半熟，再加入蛋漿拌均，在平底鍋裡煎至底部金黃，之後移到焗爐，焗至表面都金黃及蛋漿熟透。我今次哩個版本同傳統做法有啲唔同，分別係先將材料炒至半熟，再平均地分在muffin模裡，再倒入蛋漿焗。除此之外，為咗讓蛋更腍更滑，我喺蛋漿裡加咗少少奶，可算係另一種口味。唯獨是味道會較用純蛋漿的做法冇咁香口。

蟹肉釀焗蘑菇

接住上個月介紹的忌廉蟹肉醬, 今日好想分享哩個蟹肉釀焗蘑菇，實不相瞞....係用同一罐蟹肉做的(唔係罐蟹肉放咗幾個禮拜, 只係未有時間出食譜啫)。平時做焗蘑菇，我通常會加少少薯蓉做餡，不過今次特別啲，想突出蟹肉味，所以餡料主要用咗蟹肉。哩個小食用o既蟹肉唔多，最啱係蒸蟹食淨一兩隻蟹腳，或者好似我上次咁，用開咗一罐又用唔哂啲蟹肉來做。

香蔥三文魚瑪芬

邊個話muffin一定係甜架? 鐘意食咸多過食甜o既我，哩排不斷發掘一啲咸muffin o既食譜。 其實做法同一般甜muffin一樣，只係冇落糖，然後用咸的配料取代生果。 同做甜muffin手法基本上一樣，關鍵係混合材料時不能過份攪拌，一拌勻就要停手，多手就會令瑪芬變硬。

芥末蜜汁燒雞

嘩...數一數, 都好似有一段時間冇出食譜喇...只怪公私事忙。今日終於有少少時間，好啦，揀個容易啲O既食譜同大家分享啦 =)

哩個芥末蜜汁醬除咗可以醃原隻雞之外用來整雞翼同豬排都好好味架，且製作簡單，食落仲有餐廳的水準(真係呃到人架)。而最正的地方...就係可以用來BBQ! 上次我帶左一隻去燒野食，超受歡迎(講緊隻雞)，只用兩至三隻义就可夠力撐起隻雞，必試!

今次我用咗有原粒芥末的芥末醬,因為焗完出來多啲粒粒好似靚啲。不過若果買唔到話，可以用一般的dijon mustard，一樣好味。另外一提，蜜糖我係選用了一般去燒野食十蚊一樽的蜜糖(我覺得食味冇大分別，不用買六七十蚊一樽咁貴)

魚柳焗南瓜

過兩日就係哈囉喂，例牌都要整返個用南瓜做主角o既菜色。買咗半個南瓜返來，望咗好耐都未諗到點煮。本來想用來煮排骨，但係又覺得太普通...同埋因為想食魚，最終諗到哩個餸。

其實最初o既構思係想煎香啲南瓜同魚，再將兩樣野砌埋一齊(不過咁又怕啲味道mix唔到)。今次都係試吓，做唔到啲南瓜真係可以吸收啲魚汁，不過焗魚，始終唔會漏好多汁出來，不過剛好令到啲南瓜唔會太乾身。

三文魚白酒忌廉汁千層麵

放工多數唔係攰就係懶，煮意粉時通常都會用現成白汁。不過週末就唔同，盡量所有野都會cook from scratch,即係用原材料，自己煮醬汁。其實大部份喺超市買到o既汁料都可以喺屋企自家製，少啲味精之餘亦可以少食防腐劑，有時想健康啲真係唔懶得~

雖然話係cook from scrach，今次都係有少少"出貓"，三文魚是用了罐頭的，另外...千層麵都係用現成的(早排喺上海街見到部意粉機，下次買返來玩吓先，遲吓研究到意粉食譜再同大家分享)

田園焗蛋餅

我地中國人食蛋，一般都係蒸、炒或煎。我近期喜歡了焗。聽聞焗蛋是源自意大利，煮法大概分兩種; 先煎後焗或"全程焗"。因為家中的焗爐較細，所以唯有選用方法二，即係將蛋漿直接焗熟。雖然所需時間較先煎後焗的方法耐，但係冇所謂啦~

焗蛋餅可當早餐、午餐或晚餐(夜晚食時可做餸)，今次我選用了素菜做主角，但係亦可根據個人喜好加唔同o既肉類。

焗脆薯片

好野, 哩個幾禮拜開涼返，又可以入廚房煮野。已經諗咗一系列想整o既菜色，研究成功就同大家分享啦。今日哩個焗薯片係我近期較鍾意o既食譜之一 (其一，因為我係薯仔怪...其二，係因為佢外脆內軟)，唔係賣花讚花香，真係好好食架。食西餐，唔食焗薯可以試吓配哩個，包你食過返尋味~ 睇相都知，雖然個薯仔切成一片片，不過每片都冇切到底，所以望落去好似一個長長薯仔的形。

藍莓鬆餅

幾年前，買一盒小小的藍莓，閒閒地都要二三十蚊。雖然哩兩年通脹猛於虎，不過藍莓價格反而下降，所以我時不時都會買一盒來食。據聞藍莓含豐維他命C同E，可以護眼亦有抗氧化功效，啱哂貪靚o既我 =p 其實焗餅同瑪芬，唔一定要用鮮藍莓 (可用冰藍莓或罐頭都得)，不過我都係"傳統"啲，覺得新鮮食材先最多營養，所以通常都會選用新鮮的。