黑松露雜菌忌廉湯

天氣開始轉涼，除了煲一些滋潤湯水，亦是飲忌廉湯的季節。夏天飲忌廉湯總是覺得有點膩，冬天飲就暖笠笠。其實忌廉湯底做法不難，只要用牛油炒香麵粉，再加入適量奶煮滾便可。基本上可以用同一方法煮意粉汁，只是將奶的份量減少，令汁變稠。今次將最經典的雜菌忌廉湯加少少黑松露醬，提升味道。

一般用來煮醬汁我不會買價錢太貴的黑松露醬。黑松露醬價錢由黑松露含量決定，價錢平的可能只有3-5%黑松露，想食得好，可揀選約10-20%含量的黑松露醬，味道會較香，不過價錢當然會較貴。

泰式香茅花蛤湯

上星期快閃去了曼谷幾天，回來後一直未忘泰國菜的味道。可惜一連幾晚都要OT，所以只夠時間煮簡單的晚餐。在泰國食的版本是用蜆做的，不過無奈前晚只能買到花蛤，其實花蛤和蜆都算是同類，不過花蛤的肉和殼較薄身，若果是炒菜我會比較鍾意蜆，不過用來做湯的話就無所謂。

烤紅椒濃湯

<自家二人浪漫 5 course dinner> 之熱湯


這個湯可以很容易，亦可以很複雜。視乎選料，容易的方法就是用罐頭甜椒及蕃茄，較複雜的煮法就是用原材料煮。想方便及節省時間必定是用罐頭(不過red pepper 罐頭一般都只在高檔超市先有) 所以慳家的我，通常都是用原材料煮，其實不難，只是花時間而已。

濃蕃茄牛尾湯

眨眼原來已經個多月沒有出食譜了，偷懶是因為要準備結婚之大小事。忙了兩三個月，要辦的事情差不多辦妥了，托賴一切都很順利，自家廚房終於可以繼續"營業" 。近日天氣涼了，最適合煲老火湯。氣溫轉涼自然就會愛吃較濃味的東西，牛尾湯味道濃郁，真的可以飲完一碗又一碗。

牛尾的肉質比較韌，一般要炆兩小時以上才會變腍。相反蕃茄比較快熟，如果煮兩小時，就會完全溶化。煲牛尾湯我喜歡將蕃茄煲爛，所以通常會與牛尾一起煲，視乎個人喜好，如果想食到一塊塊的蕃茄，就要後下。

紫甘筍忌廉湯

紫甘筍我見過好幾次，不過之前一路都沒有時間試。前兩天終於又遇上，馬上買下來。起初我聽說紫色是染色，後來才發現原來生出來的時候甘筍已是紫色。別看它外表這麼醜，去皮後就變深紫色。除了普通甘筍有的維他命 A、B、C及E外，紫甘筍另含抗氧化物花青素 (跟藍莓一樣)，十分有營。顏色靚營養價值高，所以售價都高，100克賣$5.50 (即$25一磅)，比一般甘筍貴幾倍。至於味道，我就覺得紫甘筍比一般甘筍味道濃且更甜。

 

紫甘筍忌廉湯的烹調方法非常簡單，甘筍煮腍後打成蓉再加熱及調味即可，整個過程只需15分鐘，既環保又快捷。唯一要注意是煮甘筍時的水份，太多的話湯會變稀，欠口感。今次為了特出紫甘筍的味道，我只用了洋蔥和薑調味，奇怪的是，食時有點像蕃薯糖水 ^_^""

味噌浸勝瓜

以前只懂用上湯浸菜，味噌浸蔬菜是我近幾星期的新嚐試。試了幾個煮法後，終於找到了理想的配搭。平時味噌湯好多時都會用目魚粉調味，雖然可以提升味道，不過想健康點，減少食味精，所以改用了蝦米。這道菜製作時間非常短，且浸完勝瓜的湯可以當滾菜湯飲，一菜二食。

如果想更突出蝦米的味道，可用少許橄欖油將蝦米爆香。沒有時間的話就唯有直接將浸軟的蝦米落入湯底，不過食時口感就會較腍。至於勝瓜，我喜歡保留少許皮，一來是因為有纖維，另外就是口感，如果你喜歡較腍滑的口感，就要徹底去掉所有的表皮。

蕃茄濃蝦湯

蕃茄含豐富維他命和抗氧化物，所以我每個禮拜都會用來煲湯。排骨、三文魚、牛尾都是我喜歡加入蕃茄湯的材料，可以提升味道之餘亦可以當餸食。最近無意中發現了一個新食法，就是用蝦頭煲湯。嘩，真的沒想過，原來幾個蝦頭已經可以令煲湯好濃味! 而最開心的就是可以物盡其用，又慳到錢 =P

濃蝦湯最重要當然係味道要夠濃，所以二人份量我已經用了三個大蕃茄。至於其他蔬菜就隨意，紅蘿蔔、洋蔥、椰菜、西芹、粟米...總之當時雪櫃有甚麼就放入去煲。

咸酸菜苦瓜黃豆湯

苦瓜又稱為半生瓜，因為許多人小時不愛吃，人大了(過了半生)，吃過苦頭後就會懂得欣賞這種甘苦味。 這樣計算，那麼我不是只得五六十歳命? T_T 苦瓜又名涼瓜，上網做了少許資料搜集後先發現，除了能清熱排毒及改善體內脂肪比例外，苦瓜亦有多種維他命(A,B,C)、礦物質和營養，以後要食多些~

本身買苦瓜時只是想煲黃豆，行到去雜貨舖同靚姐傾兩句，她教我加半個咸酸菜落湯內，她說咸酸菜亦有清熱排毒的功效，且可以令個湯的味道更豐富。所以去街市買餸好，又有親切感又學到新食譜 =)

栗子忌廉湯

臨近聖誕節，天氣開始凍，最適合就是一些較creamy 和口感豐富的湯，而最合時的食材就是栗子。中式的栗子湯就飲得多，同栗子忌廉湯感覺完全不一樣，如果喜歡食炒栗的話，這個栗子忌廉湯你絕不能錯過。為了省時，我今次用的是已脫殼(未脫皮)的栗子 (一般在街市有得賣)。栗子要脫皮很簡單，只要將栗子放入滾水煮兩至三分鐘，取出後栗子皮會軟化，很容易脫落。

簡易冬蔭功

熟識我的粉絲們一定知我不能吃得太辣，所以泰國菜並非我的強項。不過喜歡研究新食譜的我，又怎會因此而放棄泰國菜呢? 通常我都會"減辣"至我可接受的"辣度"，當然，可能沒有"原裝" 食譜那麼好食，但總好過只能看其他人食~

上個月有朋友去泰國旅行，手信當然是泰國食材 ! 好開心呀，一set 已經有齊所有做冬蔭功的香料 ^_^ 雖然用乾香草沒有用新鮮的那麼"傳神"，不過勝在方便，如果去泰國旅行的話，絕對要買一套返來玩。

雪耳候頭菇雪梨湯

近日開得太多冷氣...皮膚差得很...貪靚O既我, 煲返個湯潤一潤先 =P

雜菜湯泡飯

天氣炎熱，唔多想煮飯。都係諗啲簡單少少o既餸煮。早排差唔多晚晚出街食飯，食到開始有個小肚腩! 真係不得了。夏天快到，貪靚o既我又點可以接受到一個小肚腩呢 ? 好啦，七月開始只可以俾自己食"半飯"，即係半碗飯...同埋戒肥膩煎炸野...希望好快見效啦~

今次我特別用咗鮮粟米去煲湯(粟米起粒後可連棒的部份一起煲)，煲前將粟米起粒，食時會更方便 (最啱我哩啲懶人 =p)。以往我會貪方便，用罐頭或冰鮮粟米粒，不過近排我盡量用新鮮食材，因為製過的食品，始終唔夠新鮮食物咁健康。

螺片雪耳湯

病咗幾日，咳過唔停....又發燒....最後仲要個鼻塞到聞唔到野，西藥食過搞唔掂...轉食中藥，果然咳少咗。中醫師話啲西藥"襟"住咗，所以一停藥就會咳, 要搞好個底就唔咳喎...五千年歷史，果然有料到。醫師叫我煲返啲潤少少o既湯飲，所以用咗無花果煲雪梨。為咗個湯甜啲，加咗幾塊螺片 =)

香濃薯仔忌廉湯

雖然今日只係星期二...但係可能聽日唔洗返工，感覺好似星期五咁 =p 每逢星期尾，就有啲懶懶洋洋，唔多想煮飯，今晚叫咗個pizza...但係，又點可以只係食pizza 咁單調呢? pizza 話哂都係西餐，硬係配沙律啦...食得沙律，又點少得熱湯呢 ? 屋企材料唔多，又唔想落街買，只係夠材料整個最簡單o既薯仔忌廉湯。

螺片蟲草花湯

上次朋友過來屋企食飯, 指定要飲蟲草花湯，想甜甜地，所以冇用青紅蘿蔔或者西洋菜底。最終揀咗螺片粟米。朋友評語: 正 !

西洋菜老火湯

好耐冇煲過老火湯...尋日初四，街市啲姐姐終於開檔，見到啲西洋菜好靚，買咗札來煲湯。加咗啲蟲草花，據聞係有補腎之功效。

意式雜菜湯(minestrone)

眾多款西湯，意式雜菜湯可以話係我o既至愛。簡單，好味。雖然材料多，不過製作容易，又係我最鍾意o既煮法(即係將材料放入煲內之後唔洗睇火=p)。雜菜湯，早午晚三餐都啱, 早餐可單吃，午餐配沙律或三文治，晚餐的話，就配咩都得，正!

南瓜番茄湯

一到十月，就全城哈囉喂。諗起哈囉喂，就一定唔小得南瓜啦。所以來緊，會有一系列o既南瓜食譜，希望大家會鍾意。第一擊，先來個湯。若果就咁用南瓜，會比較單調，加小小蕃茄，開胃好多 ~

南瓜  約300克,切粒
番茄  2個, 切粒
洋蔥  半個
蒜蓉  1茶匙
雞湯  2杯
水  約1杯
牛油

1. 先用牛油及慢火，將洋蔥及蒜蓉爆香，至洋蔥開始透明
2.轉中火，加入番茄同南瓜，炒約4-5分鐘後加入雞湯
3.滾後轉慢火煲約10分鐘，熄火
4.待凍後，用攪拌機打至蓉，再加熱，加入小量水(至個人喜歡的稀稠度)，即成

熱牛油果湯

牛油果湯，我好耐之前飲過一次，係凍o既。之後，一路都想試整。前幾日行超市見到有牛油果做特價 (只係$6.9/個)，就即刻諗起嗰個湯，終意試新食譜o既我，當然即刻上綱搵吓有咩唔同煮法。原來牛油果湯除咗凍飲仲有熱飲，凍的話，多數都係用奶做底，熱的，就係用雞湯做底。可能係大個咗o既關係，都係鍾意飲熱野多啲，所以，都係揀咗個熱版來試。出來o既效果幾特別，即creamy 得來又好開胃，同埋因為味道較酸，所以即使係好creamy，飲完都唔覺得好飽。


不過有小小貼士，視乎你自己個人喜好，雞湯可以加多或減少。同埋揀牛油果嗰時唔好揀太硬o既 (因為我攪淨小小渣，太硬的話，口感會冇咁好)

牛油  1湯匙
牛油果  1個, 切粒
番茄   4個, 切件
洋蔥  1個,切粒
蒜蓉  1茶匙
雞湯  3-4杯(視乎個人喜好)
青檸汁  1湯匙
檸檬汁  1湯匙
tobasco  隨意
鹽  1/2茶匙
糖  1茶匙

1. 先用牛油，以慢火，將蒜蓉同洋葸爆香
2. 加入番茄，炒約2分鐘，至番茄開始傳出香味，盛起備用
3. 待番茄略凍後，將番茄與其餘材料放入攪拌機裡(雞湯只加約2杯，剩下1-2杯待用)，打至變蓉(小貼士: 我個人喜好有小小咬口，所以只是攪至七八成，你亦可根據個人喜好而作出調教)
4. 將湯倒入煲裡，加熱至滾後，可再應個人喜歡的稀稠度加入雞湯，再滾即可

紅莧菜豆腐湯

滾湯，我通常會用硬豆腐。除咗因為冇咁容易"滾爛"之外，另一個原因係因為硬豆腐含鈣量較高。聽聞約30歲左右，身體就會停止生產鈣，若果每日攝取量不足的話，身體就會由體內"鈣儲備"到取出你身體所需 (即係平時電視廣告話體內的鈣會隨年紀流失的原因)。所以我會盡量喺唔同地方吸收多啲鈣，希望老來唔會有骨質疏鬆啦~

紅莧菜  1札
硬豆腐  1磚
排骨  約350克
咸蛋  1隻
鹽  少許

1. 水滾後，加入排骨，轉細火煲約30分鐘
2. 加入咸蛋黃及豆腐，再煲約15分鐘
3. 豆腐盛起，轉大火，加入紅莧菜(先加莖，後加葉)
4. 最後，可轉回中慢火，加入咸蛋白(切勿攪動太多)
5. 蛋白熟透即成(可加少許鹽調味)