昨晚曼聯大戰紐卡素，老公是鰻迷，一早講定要在家中食飯同睇波。不過以往經驗，一睇波，他就會十問九唔應，所以為免整餐飯都自言自語，我一早計好時間，待中場休息才開飯，幸好，計劃成功 :)
睇波一定會飲啤酒，食燒雞和薯片 perfect match ! 今次的越式燒雞是前年去蜆港旅行時學的，非常簡單。醃料主要材料是魚露、青檸汁、蒜和乾蔥。想令味道更豐富可以加香茅或花生醬。不過用任何醃料，最重要都是有足夠時間醃雞 (我喜歡醃8小時或以上)，放入焗爐前一小時，我會將雞放在烤架上，讓雞皮表面風乾，雞皮會較脆。除了燒雞，還焗了三色薯片。焗薯片比油炸健康得多，只需用少量橄欖油，就可做到卜卜脆，關鍵是要切得夠薄，有廚師機幫手，絕對零難度。不用一分鐘，就已經將薯仔和蕃薯切好，超方便。
至於焗爐設定，烤雞時我用了hot air grill (上發熱線 + 風)，焗盤放在中層。約20分鐘後將烤雞移到底層，將放了薯片的焗盤放最頂，轉用3D hot air plus。3D hot air plus 是熱風，熱力均勻，可以同時將高中底三層的食物同時烹調。以往用其他焗爐，多層煮食時會有熱力不均勻的情況，令到食物一面燶一面生 (或要焗到中途開焗爐將焗盤調轉放) Bosch 就沒有這個問題，德國設計果然可靠 !
今次用了椰菜絲伴碟，與濃味的雞非常配合。另外亦做了新鮮芒果蘸醬，配燒雞或沾薯片都好味。
燒雞翼♫♪♩我鍾意食 ♪♫♩♫♪♫ 不過食得多有時都要轉轉口味 (老公要新鮮感 :P )，所以今次特別選用了雞翼槌。其實無論是全雞、雞翼或雞槌，要好食最重要都是醃製時間。一般醃雞，我會預2小時或以上(若果時間不足落調味時就要重手少許)，不過時間始終是最佳的調味。
今次試用咗焗爐嘅hot air grill設定, 效果好好, 可以做到外脆內軟。用熱風設定我覺得最好用烤架, 讓熱風可以360度將雞槌"包圍"，確保底面都做到脆皮效果。要做到皮脆，有一個小秘訣，就是要讓雞皮表面風乾才開始焗 (放在烤架上約15-30分鐘)，上網見過有人用風筒吹乾，我就覺得有點怪，所以唯有等它自然風乾。
<自家二人浪漫 5 course dinner> 之主菜
烤雞最重要就是選料。我鍾意用外國進口的 Griller Chicken，別以為進口一定是貴，一隻2磅重的烤雞只售約$30 (街市凍肉檔買最平，約$25，即使是超市，亦只是$32左右)。與超市一般買到的冰鮮雞最大分別就是肉質。可能因為size 較細(多數是2磅或以下)，Griller Chicken 的肉質比較嫩滑，用來做烤雞，肉質juicy 得多。唯一缺定就是因為它是冰的，要大半日前或前一晚開始溶冰。
這道烤雞，除了雞肉嫩滑，最好食就是鋪在雞皮上的巴馬火腿，紙包雞就食得多，用parma ham 包雞一樣好味。其實原理是一樣，用parma ham "保護"雞肉，烤時可以鎖住雞汁。分別是今次塊"紙"是可以食的。脆脆的巴馬火腿包實嫩滑的雞肉，想起都溜口水。
挑選適合的火腿亦是重要，因為是烤熟食，無需揀最貴的。我會選擇價錢較平，味道香不太咸的火腿。不懂得那款好，可問deli counter 的職員。
不管白貓黑貓，捉到老鼠就是好貓。不管白土匪黑土匪，好食就是好土匪 ^_^"" 很爛的笑話。土匪雞翼一般都是"黑"的，不過上星期剛剛買了一大樽白芝麻，所以就想到可以做個黑白土匪。
說到土匪雞翼，大家一定會想起譚仔。常聽到朋友說$5-6元一隻雞翼很貴，在家中做便宜很多。事實上，都視乎用料，我今次買了較大隻的雞翼，平均都$2一隻，還有燈油火蠟和製作時間，原來譚仔又不是想像中那麼貴。話雖如此，我始終喜歡自家製。
土匪雞翼的主要調味是孜然粉(cumin)，大家可按個人口味加減。孜然粉其實只有香味和點點辣味，所以有些食譜會用生抽調味，我自己就比較喜歡用鹽，因為較能突出孜然的味道。如果有時間的話，最好醃3 小時以上(我喜歡上班前醃，到放工有大約10小時)，雞肉會較入味，而不只是雞皮有味。
鹽燒粟米是我超愛的小食。最簡單的烹調方法才能突出食材的原味，所以今次只是用了簡單的調味。唯一特別的，是粟米表面放了一點芝士絲，在高溫下焗至脆身，好配合粟米肉的口感。至於調味方面，最重要當然是牛油和海鹽，其它的，可按個人口味加減。這個食譜非常簡單，開波前開始焗，未到中場就有得食 =)
