巴馬魚柳卷

巴馬火腿的最佳拍檔一定是哈蜜瓜。不過貪心的我，每次都會買三至四款ham....好多時都會剩下一些食不完。最近發現一個新的火腿食法，就是用火腿卷實魚柳，因為魚柳本身味道較淡(只有鮮味)，配合濃味的火腿，效果幾好。今次的新嘗試我只是用了冰鮮魚柳，所以準備工夫不能懶，否則就會食到冰鮮魚柳的雪味; 做法很簡單，就是先用調味將魚柳略醃，而我最喜歡的醃料就是香草和黑椒。不過如果覺得黑椒同白色的魚柳不太配的話，亦可改用白胡椒(味道當然是黑椒較突出)。雖然相影得不清楚，但其實魚柳下有一片蕃茄，食時蕃茄和魚柳的口感差不多(好juicy)，大家可以試試~

魚柳焗南瓜

過兩日就係哈囉喂，例牌都要整返個用南瓜做主角o既菜色。買咗半個南瓜返來，望咗好耐都未諗到點煮。本來想用來煮排骨，但係又覺得太普通...同埋因為想食魚，最終諗到哩個餸。

其實最初o既構思係想煎香啲南瓜同魚，再將兩樣野砌埋一齊(不過咁又怕啲味道mix唔到)。今次都係試吓，做唔到啲南瓜真係可以吸收啲魚汁，不過焗魚，始終唔會漏好多汁出來，不過剛好令到啲南瓜唔會太乾身。

清酒魚柳

之前有朋友過來食飯，攞咗支清酒過來。 酒，我就唔係好識飲，只係識用來煮野食 =p 遲吓仲會出多兩個食譜都係用清酒做架，鍾意以酒入饌的朋友，記住留意吓喇~

哩個食譜特別之處就係用咗西蘭花去吸收返魚同酒o既精華，好正架 !

魚柳杞子浸勝瓜

杞子有明目同美顏o既功效。最近有個同事日日搵來浸水飲，我都試咗一兩日，雖然係美顏，不過我覺得味太甜，所以冇堅持日日飲。之前喺酒家見到有道菜係用杞子浸菜，清清地幾好食。返到屋企，當然要試吓自己整啦!如果唔喜歡勝瓜，可以轉用其他時令瓜菜都可以。

魚柳配忌廉西蘭花汁

唔知點解，週末總係鍾意食西餐。今晚個食譜比較多步驟，但係其實每個步驟都唔難。今次食譜選用了甜椒粉，甜椒粉主要分兩種: 粗粒同幼粒。粗粒的味道較強(影相都靚啲)，所以我買咗粗粒。甜椒粉除咗用來煮魚，亦可用來調味雞/牛。

材料:

冰鮮魚柳 1條(保留解凍時的水份)，切件

甜椒粉(paprika) 1茶匙

蒜蓉 1茶匙

鹽 1/2茶匙

白胡椒 1/2茶匙

橄欖油, 2湯匙

薯蓉:

薯仔 2個, 中

鮮奶 200毫升

牛油 1湯匙

鹽 1茶匙

忌廉汁:

鮮奶 250毫升

西蘭花 半個(只用花的部份)

牛油 2湯匙

麵粉 2湯匙

鹽 1茶匙

松子仁 1湯匙, 切碎

1. 薯仔清洗後(連皮)用水煮約40分鐘, 至可輕易地用义刺入 (較大的薯仔要加10分鐘)

2. 魚柳用甜椒粉、鹽、白胡椒醃30分鐘

3. 取出薯仔，即放入冰水裡，皮會輕易脫下

4. 薯仔肉用义壓碎至蓉狀，加入鮮奶、牛油及鹽，拌勻備用

5. 西蘭花用鮮奶煮3分鐘，離火，用手提攪拌器打蓉，加入牛油，麵粉及鹽，拌勻再加熱(加熱時汁會慢慢變稠，所以要不停攪拌)，備用

6. 用中火，加入解凍時的魚汁(約2湯匙)及橄欖油，拌勻後先加蒜蓉略煮30秒後再加魚柳。一面煎一面用湯匙將魚汁淋在魚上，讓熱力將魚煮熟。煎至魚柳熟透即可(約6分鐘)

7. 上碟時，先放約3湯匙忌廉汁，再放薯蓉，再放魚。最後灑上松子仁即成

芥蘭抄魚柳

哩排工公好忙，冇咩時間諗啲有趣食譜，整啲簡單啲o既菜式先 ~

材料:

芥蘭 1札

冰鮮魚柳 1條

鹽及白胡椒 各1/4茶匙

紹興酒 2湯匙

黃糖 1/2茶匙

薑

製作:

1. 魚柳清洗後切成細塊，再用鹽及白胡椒醃15分鐘

2. 芥蘭洗淨後切段

3. 用中火，先將魚柳每面煎一分鐘，盛起

4. 無需洗鑊，落薑，稍為爆香，再落芥蘭快抄

5. 約2分鐘後(待菜原本的水份差不多收乾了)便可加酒、黃糖及魚塊，略抄勻後蓋上蓋子，煮兩分鐘即可