扭扭pizza

大食會好多時都會叫外賣pizza，不過好多時送到來的時候已經變暖，欠新鮮。試過買現成的pizza皮....但一看保質期有兩個月.....所以pizza 我堅持自己做。早排在網上找到一個簡易pizza 皮食譜，只需兩樣材料就可以做成基本的pizza 粉糰 !  當然，想個皮好食一點就需要加點香草和調味 (懶的話就可以直接落醬同配料焗!)

這個簡易pizza皮焗完後較傳統的pizza皮軟身及有咬口。要注意乳酪的份量，pizza 粉糰的主要材料是乳酪及自發粉，因為市面上買到的原味乳酪稀稠不一，建議麵粉分幾次加入，以免粉糰太乾或濕。

沙樂美蘑菇香草批

二十幾近三十度的室溫，最適合就係整吓麵包同pizza，因為麵糰會比得十幾度嗰時發得快好多。平時冬天要等兩個幾三個鐘麵糰先發好，夏天就差多一半時間多啲就發起，真係慳水慳力。 其實之前都已經介紹過pizza 個批皮，今次個底基本上同之前一樣，只係加咗啲香草入去。過幾日我會試改用wheat flour 同 rye flour，而家咩都講求健康同高纖，所以自家廚房出品都會盡量做到最健康， 研究到好味就同大家分享啦~

千島海鮮批

對上一次喺屋企整pizza已經係舊年o既事。時間真係過得快，眨眼就大半年。早兩日出咗千島醬食譜，係因為今日要介紹千島海鮮醬pizza。批底基本上同之前出過食譜o既芝心批批底一樣 (只係冇加芝士喺個批邊到)。至於餡料，就係廚房隨意取出的東西 :p 其實唔用千島醬做醬汁的話，可改用一般的pizza醬，不過我自己就覺得千島醬特別啲~

自家芝心批

食pizza, 一定要芝心啦 ~ 哩個係較西式o既批(即係唔係薄批)，個批邊比較厚同較似麵包。今次因為想食清小小，所以淨係用咗素材料，不過大家可以隨便落腸仔， 海鮮或其他肉類。事關唔係成日整pizza食，我冇特別買一樽pizza醬，只係用咗普通意粉醬加咗小小oregano。另外今次用咗mozarella波波，味道唔係好重，但係又有芝士香味 ~

芝心架~

暖水 180亳升
酵母 1茶匙
糖 1茶匙
中筋麵粉 1 3/4杯
橄欖油 1湯匙
鹽 1茶匙


portobello 1隻,切件
水牛芝士球(mozarella ball) 1個,撕開至細塊
水牛芝士碎 約4湯匙
蕃茄醬 3-4湯匙
oregano(牛至) 1/2茶匙
basil(羅勒)  數塊

1.先將暖水、酵母及糖混合，等約5分鐘(待酵母開始起泡泡，以確酵母仍是"活"的)
2.加入油、麵粉及鹽，以木棍攪勻至成粉糰，再用手搓約10分鐘，將粉糰放入塗上油的碗內，用保鮮紙包好(以免粉糰表面封乾)
3.放置室溫約25度的地方(若是冬天的話，可以焗爐提升室內溫度)，約2小時後粉糰的體積應大約一倍

4. 先在枱上灑上麵粉，再以柔手搓粉糰約5分鐘，分為2份，再將每份搓成圓型，於焗盤灑上少許麵分，再放上批皮
5. 用手指，將批邊搓薄，沿著邊放上少許芝士碎，再將批邊捲入成型

6.靜置約30分鐘後(批皮會再發大小小)，於批邊塗上許橄欖油，再將oregano與茄醬混合，塗在批中心
7. 放上portobello及水牛芝士
8.在預熱210C的焗爐裡，焗約20分鐘(至批邊金黃及芝士溶掉)即可取出，隨意放上basil即可