芝士焗通粉

放完幾個月悠長產假，上個月底終於復工。現在每日都要安排湊B、做家務和入廚時間，在職媽媽不易做，恨不得每日有48小時。雖然好多朋友都勸我放工後好好休息，不要堅持每晚三餸一湯，不過為了囡囡可以食到有營養的母乳，可以避免的話都不想食外賣。為了方便有時亦會週日準備定星期一的晚餐，芝士焗通粉可以預早準備，放工回家放入焗爐便可，非常方便。

今次食譜我用了中濃度(Medium Age)的車打芝士和淡味的水牛芝士，芝士控可選用Aged Cheddar ，芝士味會較濃。


視像示範:

黑椒洋蔥豬扒

這道菜其實不算難，不過要煮得好食，就要花少少時間。由醃肉到完成，最快都要一小時，當然，醃肉時間越長，豬扒就會越入味。我覺得整個餸的主角就是洋蔥，煮腍了的洋蔥吸收了豬扒的肉汁，實在太好味。雖然洋蔥是主角，不過豬扒亦不能忽視，我選用了梅頭豬扒，肉質會較腍。只要火候控制得好，不要將豬扒煮到過熟，豬肉就不會實，關鍵是洋蔥和豬扒要分開煮。

吉列豬柳扒配日式咖哩醬

夏日炎炎，胃口不佳，總是愛吃香辣的餸菜。日式咖哩是我的首選，只要爆香材料，加入咖哩磚，再煮一會便可。麻煩的反而是準備炸豬排，雖然材料簡單，不過製作步驟多。要做到香脆好味的炸豬扒不能懶，除了豬扒外，麵粉和日式麵包糠都要調味。最基本可以用鹽和黑椒調味，想更好味，可以試用香草和其他香料。

最近愛上了Sadia 的細細塊豬柳扒，一啖一塊，排常方便。有時間的話可以隔晚由冰箱取出放入雪櫃解凍，早上返工前調味，讓醃料有足夠時間入味，效果會更佳。今次的豬扒是半煎炸的 (我都是怕廚房油煙多)，當然若果不介意油煙多，炸會比半煎炸更酥脆。

啤酒青口

結婚後我不斷問老公他喜歡吃甚麼，不過他總是說無所謂，我煮甚麼他都愛吃。直到前晚我終於知道真相，原來他與其他男人一樣，要有"新鮮感"，喜歡試新菜，怕我會隔晚就煮同一道菜，所以一路沒表明心中的"最愛" 。為了哄哄老公仔，我打算未來一年，每晚都煮一道新菜色，豬牛羊雞魚蝦蟹，日韓泰越英法美俄中，我都會試煮，希望老公食得開心啦 ~

雖然老公沒有說最愛吃甚麼，不過我肯定他最愛飲啤酒 =P 所以第一道菜是用啤酒煮的青口。啤酒酒精含量較一般白酒低且味道較濃，完成品的青口汁相對用白酒煮的味道會較豐富，且帶一點點啤酒麥香。建議選用黑啤或麥啤，味道會較特出。為了提升甜味，今次用了味道比白洋蔥甜的紅洋蔥，如果沒有的話，用白洋蔥亦可。

烤紅椒濃湯

<自家二人浪漫 5 course dinner> 之熱湯


這個湯可以很容易，亦可以很複雜。視乎選料，容易的方法就是用罐頭甜椒及蕃茄，較複雜的煮法就是用原材料煮。想方便及節省時間必定是用罐頭(不過red pepper 罐頭一般都只在高檔超市先有) 所以慳家的我，通常都是用原材料煮，其實不難，只是花時間而已。

濃蕃茄牛尾湯

眨眼原來已經個多月沒有出食譜了，偷懶是因為要準備結婚之大小事。忙了兩三個月，要辦的事情差不多辦妥了，托賴一切都很順利，自家廚房終於可以繼續"營業" 。近日天氣涼了，最適合煲老火湯。氣溫轉涼自然就會愛吃較濃味的東西，牛尾湯味道濃郁，真的可以飲完一碗又一碗。

牛尾的肉質比較韌，一般要炆兩小時以上才會變腍。相反蕃茄比較快熟，如果煮兩小時，就會完全溶化。煲牛尾湯我喜歡將蕃茄煲爛，所以通常會與牛尾一起煲，視乎個人喜好，如果想食到一塊塊的蕃茄，就要後下。

辣雞芝士quesadilla

Quesadilla 是來自墨西哥咸夾餅。雖然材料多，不過全部都非常容易買（基本上較大的超市已有齊），而且全部都可以一早買定，放工回家後15分鐘就有得食～

Quesadilla內最重要是芝士，因為加熱後溶了的芝士可以將所有餡料粘實。至於其它材料就可以按個人口味挑選，而我覺得天下無敵的組合就是雞肉、紅腰豆和牛油果。不過用牛油果口感較膩，所以有時我會改用粟米。食時記住要配salsa，guacamole和sour cream，味道就更加無懈可擊。怕肥的話sour cream 可用原味乳酪代替。至於salsa和guacamole（牛油果醬）我當然是自家製，如果懶的話，在超市亦可買到。

焗薯皮 (墨西哥style)

世界盃今晚開鑼，你支持那一隊? 我曾經被批評為一個不合格的"睇波伴侶"，不過我已經盡量學，現在，起碼我知道越位是什麼，還有十二碼和自由球的分別。算是合格吧 ^_^""  雖則我不是個合格球迷，不過做個合格女友就難不到我 =P 除了充當"人肉鬧鐘"，當然要負責睇波時的小食啦 ! 所以今個月，我分享的主要會是小食食譜，畢竟相對睇波，我對煮食較有興趣 ~

焗薯皮是在酒吧睇波時必點的小食，其實自已製作都很容易。早一兩年分享過簡易版的焗薯皮食譜，一路都是十大最受歡迎食譜之一，所以最近研究了另一個味道較豐富的版本，希望大家喜歡。

必需一提，焗薯皮最好是用焗薯，不過香港較難買到，多數買到的是較薄皮的新薯，沒有辦法，唯有將就一下(我今次都是用新薯)~

蕃茄濃蝦湯

蕃茄含豐富維他命和抗氧化物，所以我每個禮拜都會用來煲湯。排骨、三文魚、牛尾都是我喜歡加入蕃茄湯的材料，可以提升味道之餘亦可以當餸食。最近無意中發現了一個新食法，就是用蝦頭煲湯。嘩，真的沒想過，原來幾個蝦頭已經可以令煲湯好濃味! 而最開心的就是可以物盡其用，又慳到錢 =P

濃蝦湯最重要當然係味道要夠濃，所以二人份量我已經用了三個大蕃茄。至於其他蔬菜就隨意，紅蘿蔔、洋蔥、椰菜、西芹、粟米...總之當時雪櫃有甚麼就放入去煲。

蒜蓉茄乾焗雞翼

雞翼是每一個大食會必備的食物，沒有雞翼的大食會總是覺得不完美。可是每次都是蜜糖雞翼、黑椒雞翼、可樂雞翼.....真是有點悶。今次的雞翼用了茄乾做醃料，配搭新鮮，除咗可以焗亦可以煎和燒烤。

脆脆燕麥南瓜餅

燕麥片是不少愛美女士廚櫃必備的食材，除了可以降低血脂，亦有助腸道及心臓健康，多吃有益。不過燕麥本身味道好淡，單獨食會覺得有點 "寡"，所以好多時我都會配其他食物烹調，例如焗麵包時灑一點上頂。上個月出席一個商會晚宴，小禮品包內竟然有一袋原片燕麥。原片燕麥我通常會用作烹調脆口/焗的食物，因為口感較好 (若是煮麥皮，那我就會用快熟燕麥片)。

今次的食譜雖然用咗燕麥，本應好健康，但烹調方法是用油煎(太諷刺)，若果想較健康的話，可以放入焗爐，不過烹調時間就比煎長一點，大約15分鐘左右 (@ 180-200C)。

德國薯仔沙律

德國薯仔沙律是早兩星期在家中慶祝 oktoberfest 的其中一個菜色。正宗德國薯仔沙律的特色是加了醋，食時好開胃，感覺有點像食炸魚薯條時蘸醋一樣。而另一個特點是冷熱食都一樣好味，我自己就較喜歡熱食。

櫻花蝦南瓜粉絲

櫻花蝦除了可以當作零食，亦可以用來烹調。雖然味道比一般蝦米的味道較淡，配合本身帶甜味的南瓜，就不用擔心會蓋過南瓜的香味。 

小貼士: 如果想原汁原味的話，可以改用清水加少少鹽替代上湯。另外，最後加上湯(或水)時，可以先加一半，以免煮到水汪汪。

甜辣蝦配乾曬蕃茄意粉

乾曬蕃茄 (sun-dried tomatoes) 最正確的譯法應該是曬乾蕃茄或蕃茄乾 ? 實在我也不太清楚，嘗試在網上搜索，發覺大部份食譜都是用英文名，所以，大家請包涵這個"自創"的譯名啦。乾曬蕃茄最常用於意粉食譜中，有時亦會用來做pizza 或前菜。據說，乾曬蕃茄含高維他命C 及抗氧化物 (基本上同蕃茄一樣)，不過由於蕃茄曬乾時加入了鹽份(加鹽有助保質)及用了油浸，所以要注意，即使營養價值高每日也不宜多吃。

乾曬蕃茄本身味道好濃，用來煮意粉不用加太多調味，我通常會加少許鹽及香草已經好夠味。若果想令意粉更惹味，可用上湯(雞或菜)取代水。但注意不要加太多，否則有機會蓋過乾曬蕃茄原有的甜味。


乾曬蕃茄小貼士:  用浸蕃茄乾的油來取代食譜內部份的橄欖油/牛油，有助提升味道

芝士薯餅

早餐可以話係每日令人最頭痛o既一餐。星期一至五就要趕返工，冇時間煮。星期六日...嘿嘿...當然係訓到日上三竿啦 =P  哩個芝士薯餅絕對係週末"想食好啲"但係又懶煮o既好"煮"意。只需用刨絲器不斷刨刨刨，之後攞去煎就可以。 雖然今次我只係用咗洋蔥同芝士配搭，但係其實哩個薯餅好多變化，可以加煙肉碎或改用三文魚。

至於芝士，我最終意用水牛芝士碎，因為薯餅煎熱後，一咬就可以拖出長長的芝士絲，好開心架! 

香茜青口長通粉

萬眾期待的<衝上雲霄2> 前晚終於首播，隨咗片頭同片尾曲有啲令人失望之外，成套劇真係幾好睇。其實都唔怪得林子祥o既...平心而論，首歌本身唔係咁差，只係配錯劇啫。全成都忙於追劇，仲邊有人會有心機煮飯呢? 哩兩晚我都係hea煮，但求食得飽同埋可以早啲食完飯，洗埋碗之後坐定定睇Sam哥。

為求達到快煮快食快洗的原則，哩幾晚都轉食意粉，由煮到食都係20分鐘，最緊要係，煮意粉冇咩碗洗。為咗慳時間尋晚放工冇去買餸，睇吓冰箱有咩儲備，一開門就見到我近期最愛的急凍青口，就整個青口意粉啦~

白酒煮青口

近期行超市成日都會見到急凍青口做推廣。大部份都係"half shell" (已去半殼)的，偶然就會碰到有原殼的。兩款我都有買過，始終都係覺得原殼的味道較鮮甜，較多汁。因為烹調時間快，味道又不錯，急凍青口已成為我冰櫃入面必有的東西。有次放工太攰，貪方便買咗一包有牛油蒜蓉味的原殼青口（只需加熱就可以即食），不過最後覺得味道太咸，始終都係自己調味好啲 =P 

煮白酒青口，我最愛就係配意粉或法包，因為啲汁實在太好味喇，唔信呀? 試吓咪知係咪真係咁好食囉 !

格格蒜蓉芝士包

哩幾日天氣報告都話會落雨，睇怕weekend最佳活動都係留喺屋企發呆。為免聽朝起身冇早餐食，最好今晚放工經過麵包店買埋早餐。平時早餐多數都係食港式麵包，所以週末盡量都會揀方包或法包。不過香港咁潮濕，法包放過夜後，好多時都會變腍，食前焗一焗熱佢，會好食好多。早排喺網上見到一個做法，幾有趣，經改良後，就變成以下的格格蒜蓉芝士包 =P 製作簡單，除咗可以做早餐，亦可以用來配意粉或西湯~

以下的份量是一個小法包的份量，同樣做法可用改用長棒型法包(份量就要自己加減喇)。至於芝士方面，可以隨意自選喜歡的口味，今次我選用咗較淡味o既 gouda cheese。

雜菜湯泡飯

天氣炎熱，唔多想煮飯。都係諗啲簡單少少o既餸煮。早排差唔多晚晚出街食飯，食到開始有個小肚腩! 真係不得了。夏天快到，貪靚o既我又點可以接受到一個小肚腩呢 ? 好啦，七月開始只可以俾自己食"半飯"，即係半碗飯...同埋戒肥膩煎炸野...希望好快見效啦~

今次我特別用咗鮮粟米去煲湯(粟米起粒後可連棒的部份一起煲)，煲前將粟米起粒，食時會更方便 (最啱我哩啲懶人 =p)。以往我會貪方便，用罐頭或冰鮮粟米粒，不過近排我盡量用新鮮食材，因為製過的食品，始終唔夠新鮮食物咁健康。

波蛋牛肉飯

又要講聲對唔住。差唔多成個禮拜都冇新食譜，就連facebook都只係update咗兩張相=p 事關工作太忙，連休息都唔係好夠時間，所以casacookery就唯有放埋一面。上個禮拜日日都排滿哂business dinner, 到尋晚先有機會煮野，都係"快靚正"之選: 波蛋牛肉配牛飯。其實原本係想配溫泉蛋，不過勞碌一星期後，真係攰攰地，唔想花咁多時間煮飯，最終整咗波蛋。另帶一題，雖然睇唔到，但係我係用咗珍珠米做飯底，話哂食"日本菜"，用返珍珠米好似貼題啲。