可樂雞翼

自從搬入新居後，每星期都會有朋友上來house warming，好熱鬧。上星期第一次有小朋友到訪，除了薯條，我覺得小朋友一定是最愛雞翼 (這是我小時最愛小食之一)。不過上星期為了準備 honeymoon 旅行而忙了幾天，沒有時間一早將雞翼醃好，唯有用特別"武器" 可樂。可樂雞翼製作非常簡單，只需約20分鐘就可完成，即使是初入廚的朋友，亦可輕容做到。

預備派對小食，我自己不太喜歡多汁 (尤其是有小朋友，食時難免會將汁週圍滴) ，所以今次收汁後沒有將汁淋在雞翼面，當然，若果是晚飯時煮，可以將可樂汁淋上(送飯一流)。可樂雞翼味道較濃，無須用新鮮雞翼，用質素較好的冰鮮雞翼已經可以做到好好的效果。

黑白土匪雞翼

不管白貓黑貓，捉到老鼠就是好貓。不管白土匪黑土匪，好食就是好土匪 ^_^"" 很爛的笑話。土匪雞翼一般都是"黑"的，不過上星期剛剛買了一大樽白芝麻，所以就想到可以做個黑白土匪。

說到土匪雞翼，大家一定會想起譚仔。常聽到朋友說$5-6元一隻雞翼很貴，在家中做便宜很多。事實上，都視乎用料，我今次買了較大隻的雞翼，平均都$2一隻，還有燈油火蠟和製作時間，原來譚仔又不是想像中那麼貴。話雖如此，我始終喜歡自家製。

土匪雞翼的主要調味是孜然粉(cumin)，大家可按個人口味加減。孜然粉其實只有香味和點點辣味，所以有些食譜會用生抽調味，我自己就比較喜歡用鹽，因為較能突出孜然的味道。如果有時間的話，最好醃3 小時以上(我喜歡上班前醃，到放工有大約10小時)，雞肉會較入味，而不只是雞皮有味。

蒜蓉茄乾焗雞翼

雞翼是每一個大食會必備的食物，沒有雞翼的大食會總是覺得不完美。可是每次都是蜜糖雞翼、黑椒雞翼、可樂雞翼.....真是有點悶。今次的雞翼用了茄乾做醃料，配搭新鮮，除咗可以焗亦可以煎和燒烤。

百里香栗子炆雞

好凍呀! 開咗暖爐都覺得好凍...點算...唯有成日喺廚房煮野啦 ^_^ 今晚又試新野，栗子炆雞翼...不過係西式 ! 唔用豉油唔用蠔油炆餸你又試過未 ? 我都係第一次，味道有啲意想不到咁好食，有時新嘗試都幾開心=) 啲奶同栗子蓉煮埋一齊，真係好好食架~

檸汁香草雞翼

雞翼永遠都係最受歡迎o既派對小食。我好鐘意哩個雞翼，因為可以一早醃定，到時到候放入焗爐就食得。其實有時我會煮多個意粉，配埋一齊食，好正架 ~