紅菜頭沙律

<自家二人浪漫 5 course dinner> 之沙律

選擇紅菜頭只因它是紅色，且切薄片後可以壓成心形。紅菜頭營養價值高，不過味道較淡，適合配搭一些較濃味及酸酸的沙律汁，我的首選就是配蜜糖陳醋(黑醋)汁。要注意的是紅菜頭的"感染力"，紅菜頭的"染色體"非常強，它的汁液碰到任何東西(如布或你雙手)都可以將它染紅。如果手染上紅色，可試用檸檬汁洗擦，會有助除去紅色。

紅菜頭沙律很多時都是配 goat cheese，不過今次我加入水牛芝士波，味道比goat cheese 淡得多，只是個人喜好，沒有甚麼原因 (這就是自家煮的好處 :)

青木瓜沙律

沙律可以做主菜，亦可當頭盤。如果是頭盤的話沙律的選料就要較輕盈，否則食完頭盤就已經沒有胃口食下一道菜。除了選料外，醬汁亦非常重要。近日愛上了這個靈感來自東南亞的青木瓜沙律，酸酸辣辣的醬汁，食完可令胃口大增。要用木瓜做沙律，最緊要是挑選合適的木瓜，不能太生亦不能太熟，太熟果肉會過腍，太生就沒有木瓜的香味，我通常都會請果檔的姐姐幫手，必定能選到靚木瓜 =)

暖菇沙律

近排轉季，天氣濕濕笠笠，經常都沒有胃口食飯。上個星期有一兩晚都成二十四五度，今年的夏天好像比往年來得早。前兩日行街市見到我最愛的啡蘑菇，即時想起之前試過一個暖沙律 (在餐廳食的板本是有烤雞的)，自家廚房的板本就用了松子仁代替肉類，平時食lunch 已經少菜多肉，所以晚餐盡量安排得"素"一點~

三色車厘茄沙律

三色車厘茄，細細粒，能令簡單的什菜沙律變得七彩繽紛。因為蕃茄本身帶酸所以會比較適合配有甜味的沙律汁，而我最喜歡就是黑醋蜜糖汁。不過再好味的沙律汁，食得多都想有點變化，如果家中有果汁(如橙汁或蘋果汁)，試試加少許，味道馬上豐富好多 !~

青瓜沙律 (Gurkensalat)

Gurkensalat 是德文，意思是青瓜沙律。雖然這個沙律看似用了很多沙律醬，但其實德國青瓜沙律用的是酸奶(sour cream)，卡路里係蛋黃醬的三份之一，且味道帶點酸，很開胃 =)

選擇青瓜時，最好挑選較嫩的青瓜，味道和口感都會較佳~

柑橘沙律

大食會往往都是肉多菜少，所以我好喜歡做沙律，因為容易準備且可以令朋友吃得健康點。最簡單的當然是買包"mixed greens" 或 火箭菜(想加誠意分可加幾片蕃茄和紅蘿蔔絲)，淋上日式芝麻沙律醬，整個過程10分鐘內可完成。想pro一點則可以買兩顆羅馬生菜加一包 "caesar salad kit"，有齊麵包粒，煙肉粒，芝士碎同醬汁，洗菜後一混合即可以食。但係如果想突出少少，就一定要花點心思。以下介紹的柑橘沙律，做法簡單，顏色鮮艷，食後感覺清新，而最主要，是做法簡單 (連切橙都是20分鐘完成)。

今次我用了橙、西柚和韓國柑(較中國柑清甜)，其實亦可選用其他柑橘類生果(見過有食譜用檸檬，不過我覺得太酸了)，最緊要是顏色要有點不同，砌出來效果先夠搶眼。至於沙律汁方面，我加了一點蜜糖，因為橙和西柚本身帶點酸味，要加一點甜味平衡一下。

越式柚子沙律

九月去越南旅行時參加了一個本地烹飪班，除了學煮地道越南菜，還有專人帶我們行街市認識各種食材。嘩...真是從來未見過這麼大的街市，且食材非常齊全。由海鮮、家禽到蔬菜生果類，應有盡有，如果我家附近有這樣的街市就開心死! 以下分享一部份相片 =)

當日學了幾道菜，今日首先出場的是柚子沙律(可用青芒果絲代替柚子)。

德國薯仔沙律

德國薯仔沙律是早兩星期在家中慶祝 oktoberfest 的其中一個菜色。正宗德國薯仔沙律的特色是加了醋，食時好開胃，感覺有點像食炸魚薯條時蘸醋一樣。而另一個特點是冷熱食都一樣好味，我自己就較喜歡熱食。

魷魚帶子沙律

海鮮當中，真係冇乜邊樣我唔鍾意食。早兩個禮拜同朋友食飯，叫咗哩個魷魚沙律，味道唔錯喎，咁好食，梗係要自己試吓整啦。今次用咗一個簡單的醋汁，只要將海鮮灼熟後，再撈個汁放入雪櫃冷藏就大功告成(當然，要再放多一頭半個鐘先夠入味)。不過重點係，由開始整到完成，所需時間不多，啱哂我哩啲大忙人~

薯仔蛋沙律

早兩晚係要睇電視劇大結局，搞到唔係太想煮晚食(驚唔夠時間洗碗會錯過啲劇情) ^_^ 所以求其"撈"埋一堆"沙律"就當晚餐。本來好簡單淨係落薯仔，但諗落又好似唔係好有營養咁，所以加咗啲蛋同煙肉，叫做"營養均衡"啲咁啦。 哈哈，其實都係增加多啲膽固醇就真 =p

水蜜桃煙鴨胸沙律

星期天，我都係鍾意喺屋企hea吓。有時唔想煮啲太複雜o既野，又想清清地，最容易就係整沙律。不過天氣開始涼，又唔係好想食凍野，所以整咗哩個暖沙律。哩個沙律最重要就係要煎香啲鴨胸(最主要係要煎香啲鴨油，一方面等佢流一部份油出來，健康啲，另外，鴨油煎熱後會香口好多)。

自家crouton

其實crouton 對一個沙律好重要。雖然唔係主要材料，但係冇咗佢，成個沙律總係差少少。croutons可以喺超市買，但係，價錢會比較貴，又唔可放好耐。所以我通常都會自己整。最簡單o既crouton，就係用方飽(唔甜o既啲)做，不過，我唔會用新鮮o既麵包，好似炒飯用隔夜飯一樣，用"隔夜飽"個效果會好啲。 除咗用平底鑊烤乾之外，亦可以用焗爐。其實可以按個人口味調味，概念，就係用油混合麵包，再焗乾。以下，係我鍾意o既口味，同大家分享吓~

法包 1個(最好隔夜)
牛油 1湯匙(置室溫)
橄欖油 1/2湯匙
蒜蓉 1茶匙
鹽 1/4茶匙
刁草 1/2茶匙

1.法包切成較細塊
2. 將其餘材料混合，再塗上麵包
3. 以180C焗約10分鐘至表面金黃即可取出
4. 灑上沙律上 !

蘋果雞沙律

33度酷熱天警告 !! 好熱呀 !! 今天決定罷煮 !! 又係整沙律o既時候 ! 哩個口味係較西式的做法，醬料亦簡單。要注意o既，係加沙律醬前，要印乾沙律菜o既水份，唔係成個沙律就會水"dum dum" 。

雞扒 1塊, 去皮切細件
羅馬生菜 1棵
西芹 1條,切粒
紅甜椒 1/2個,切粒
富士蘋果 1個,切細件
鹽 少許

奇妙醬 4湯匙
第戎市芥茉(dijon mustard) 1湯匙

1.雞先用少許鹽略醃後，用中火煎至全熟，盛起
2.生菜洗後切成約1寸長，印乾水份
3.將所有材料混合，再與調味拌勻即可

海參沙律

放假都係鍾意清清地，又整咗個沙律 ~

哈哈，本來諗住加啲帶子刺身喺上面，不過食哂個沙律先記得 =p 唔緊要啦，下次再整過 ~

材料:

冰鮮海參 2條

青瓜 1條

蕃茄 1個

意式沙律醬 3湯匙

薑汁 1茶匙

製作:

1.海參清洗後，用滾水加薑，灼3分鐘，盛起切件

2.青瓜及蕃茄切粒

3.將所有材料拌勻，放回雪櫃30分鐘讓味道混合

柚子沙律

柚子沙律最麻煩，都係柚子要起肉，其實冇難度，只係需要時間 ~

凱撒意粉

天氣開始熱, 搞到成日都冇咩胃口，最啱食沙律 ~