汁燒雞漢堡配脆脆薯條

最近幾星期防疫措施又收緊，六點後冇堂食，逼住大家又要做疫境廚神。除咗去入貨，我地都甚少外出。一家三口連姐姐四個人，每日都在家困獸鬥。唯有每日襯個女訓午睡時先有啲me time，通常都係走入廚房睇吓今晚食乜餸。

早兩日OJ 上 zoom 堂時，偷聽到佢同老師講，最鍾意嘅食物係 1)薯條 (哩個係跟同學答嘅) 2)漢堡包 3)蘋果批 。頭兩個答案都好正路，因為平時我地都經常食，蘋果批就真係有啲奇怪，我地對上一次食都記唔起係幾時，唔知點解佢會咁答呢? 近排三餐都喺屋企食，餐餐食飯同食麵真係人都癲，今晚轉吓口味，食OJ 最鍾意嗰兩樣野~

吞拿魚芝士焗薯

週末的早餐我喜歡All Day Breakfast。除了煙肉、腸仔、多士、蛋，沙甸魚亦是我們碟上的"常客"。食法好簡單，只要拉開罐頭蓋，將整罐魚放入焗爐輕輕加熱幾分鐘，再將暖暖的沙甸魚塗在多士上 (可以加蕃茄或牛油果，味道會更正)。揀選沙甸魚我覺得除了產地很重要之外，製作過程亦很重要。葡國老人牌是100%葡萄牙製造，優質天然，鮮捕鮮製，符合我的要求。

查看資料才知，Porthos擁有超過100年製造罐頭魚的經驗，以葡萄牙傳統製法揉合百年經驗精心製造，而且產品是以人手處理，確保產品能夠長期維持高質水準。而重點，是一開罐頭，條魚仲好整齊，不會蓉蓉爛爛。

不過今次project 的主角其實是Porthos的新產品，吞拿魚。吞拿魚食法千變萬化，可以當前菜或正餐，冷熱食皆宜。今次我用吞拿魚做了個小點，可以做party小食，亦可當晚餐的side dish。為了令味道更豐富，今次特別選用了"辣油"口味。值得一提，是老人牌吞拿魚是採用菜油製成，不會為了味道而犠牲了健康。

薯仔牛肉粒

牛肉與薯仔是好朋友，無論是中菜或西菜都時常見到他們在一起。除了炆餸外，牛的烹調時間一般很短，可惜像海棉的薯仔，烹調時間就較長，所以一定要將薯仔先煎香及略略炆一會才可以加牛肉。像义燒一樣，牛肉粒要半肥瘦才好食。若果想薯仔更香，可以用牛肉的天然"牛油" 煎香，秘訣是先煎香牛肉粒，要用高火，讓熱力快速封乾肉粒表面及出油 (至牛肉粒七至八成熟)，盛起後再煎香薯仔。

越式燒雞配三色薯片

昨晚曼聯大戰紐卡素，老公是鰻迷，一早講定要在家中食飯同睇波。不過以往經驗，一睇波，他就會十問九唔應，所以為免整餐飯都自言自語，我一早計好時間，待中場休息才開飯，幸好，計劃成功 :) 

睇波一定會飲啤酒，食燒雞和薯片 perfect match ! 今次的越式燒雞是前年去蜆港旅行時學的，非常簡單。醃料主要材料是魚露、青檸汁、蒜和乾蔥。想令味道更豐富可以加香茅或花生醬。不過用任何醃料，最重要都是有足夠時間醃雞 (我喜歡醃8小時或以上)，放入焗爐前一小時，我會將雞放在烤架上，讓雞皮表面風乾，雞皮會較脆。除了燒雞，還焗了三色薯片。焗薯片比油炸健康得多，只需用少量橄欖油，就可做到卜卜脆，關鍵是要切得夠薄，有廚師機幫手，絕對零難度。不用一分鐘，就已經將薯仔和蕃薯切好，超方便。

至於焗爐設定，烤雞時我用了hot air grill (上發熱線 + 風)，焗盤放在中層。約20分鐘後將烤雞移到底層，將放了薯片的焗盤放最頂，轉用3D hot air plus。3D hot air plus 是熱風，熱力均勻，可以同時將高中底三層的食物同時烹調。以往用其他焗爐，多層煮食時會有熱力不均勻的情況，令到食物一面燶一面生 (或要焗到中途開焗爐將焗盤調轉放) Bosch 就沒有這個問題，德國設計果然可靠 !

今次用了椰菜絲伴碟，與濃味的雞非常配合。另外亦做了新鮮芒果蘸醬，配燒雞或沾薯片都好味。

濃蕃茄牛尾湯

眨眼原來已經個多月沒有出食譜了，偷懶是因為要準備結婚之大小事。忙了兩三個月，要辦的事情差不多辦妥了，托賴一切都很順利，自家廚房終於可以繼續"營業" 。近日天氣涼了，最適合煲老火湯。氣溫轉涼自然就會愛吃較濃味的東西，牛尾湯味道濃郁，真的可以飲完一碗又一碗。

牛尾的肉質比較韌，一般要炆兩小時以上才會變腍。相反蕃茄比較快熟，如果煮兩小時，就會完全溶化。煲牛尾湯我喜歡將蕃茄煲爛，所以通常會與牛尾一起煲，視乎個人喜好，如果想食到一塊塊的蕃茄，就要後下。

叻沙薯片

薯片和啤酒是每一場賽事必備的。啤酒我還未懂得自已釀，不過最近就開始自家焗薯片。焗薯片比炸薯片用較少油，健康得多。自家製當然要盡量做些平時買不到的味道。咖哩味和辛辣味就買得多, 叻沙味印象中未見過, 即管試試。

製作超容易, 最緊要是薯仔切得夠薄(切得越薄焗完就越脆)，今次絕對是練刀工的好機會。另外一個重要步驟就是將薯仔表面的澱粉質用凍水沖洗，焗時薯片會較易脆身。

市面上有幾個牌子的叻沙醬，今次我用了來自馬來西亞的。叻沙是星馬印的特色，所以選購叻沙醬我首選是用來自星馬印的品牌，感覺口味會較地道。一般焗薯片需在薯片上塗上一層薄薄的橄欖油再調味，不過今次用的叻沙醬已經有油，所以不用另外加油已經做到好脆的口感。

Ayam Brand有兩款叻沙醬 Laksa Paste 同 Laksa Sauce，"paste" 是較稠的那一款，較適合做今次的薯片調味 (醬汁太稀會較難焗脆)。

早餐腸炒薯仔

今年世界盃賽事多數都是零晨時分，開鑼只是一星期，熊貓眼已現 >_<  最難不是準時起身，而是空肚睇波，尤其是三點或六點開波的賽事，肚子總是一起為球隊打氣。三更半夜，真的沒有精力在廚房煮大餐，所以昨晚做了這個肉腸炒薯仔。材料和製作過程很簡單，只是用了中場休息的時間就完成了。

食譜只有兩三個步驟(就算平時小入廚的朋友都一定處理到)，最重要反而是選購合適的腸仔。今次用的是鮮肉腸，我喜歡用早餐腸 (breakfast sausage)，因為味道較咸和濃，和本身沒有調味的薯仔炒勻味道剛好。有朋友問為何一定要用鮮肉腸 ? 原因好簡單，因為煎熟時腸會流出肉汁和油，而薯仔會好像海棉一樣，將肉汁和油吸收。如果用製過的腸，煎時不會流出肉汁和油，成品的味道差得遠。

焗薯皮 (墨西哥style)

世界盃今晚開鑼，你支持那一隊? 我曾經被批評為一個不合格的"睇波伴侶"，不過我已經盡量學，現在，起碼我知道越位是什麼，還有十二碼和自由球的分別。算是合格吧 ^_^""  雖則我不是個合格球迷，不過做個合格女友就難不到我 =P 除了充當"人肉鬧鐘"，當然要負責睇波時的小食啦 ! 所以今個月，我分享的主要會是小食食譜，畢竟相對睇波，我對煮食較有興趣 ~

焗薯皮是在酒吧睇波時必點的小食，其實自已製作都很容易。早一兩年分享過簡易版的焗薯皮食譜，一路都是十大最受歡迎食譜之一，所以最近研究了另一個味道較豐富的版本，希望大家喜歡。

必需一提，焗薯皮最好是用焗薯，不過香港較難買到，多數買到的是較薄皮的新薯，沒有辦法，唯有將就一下(我今次都是用新薯)~

德國薯仔沙律

德國薯仔沙律是早兩星期在家中慶祝 oktoberfest 的其中一個菜色。正宗德國薯仔沙律的特色是加了醋，食時好開胃，感覺有點像食炸魚薯條時蘸醋一樣。而另一個特點是冷熱食都一樣好味，我自己就較喜歡熱食。

芝士薯餅

早餐可以話係每日令人最頭痛o既一餐。星期一至五就要趕返工，冇時間煮。星期六日...嘿嘿...當然係訓到日上三竿啦 =P  哩個芝士薯餅絕對係週末"想食好啲"但係又懶煮o既好"煮"意。只需用刨絲器不斷刨刨刨，之後攞去煎就可以。 雖然今次我只係用咗洋蔥同芝士配搭，但係其實哩個薯餅好多變化，可以加煙肉碎或改用三文魚。

至於芝士，我最終意用水牛芝士碎，因為薯餅煎熱後，一咬就可以拖出長長的芝士絲，好開心架! 

焗脆薯片

好野, 哩個幾禮拜開涼返，又可以入廚房煮野。已經諗咗一系列想整o既菜色，研究成功就同大家分享啦。今日哩個焗薯片係我近期較鍾意o既食譜之一 (其一，因為我係薯仔怪...其二，係因為佢外脆內軟)，唔係賣花讚花香，真係好好食架。食西餐，唔食焗薯可以試吓配哩個，包你食過返尋味~ 睇相都知，雖然個薯仔切成一片片，不過每片都冇切到底，所以望落去好似一個長長薯仔的形。

香濃薯仔忌廉湯

雖然今日只係星期二...但係可能聽日唔洗返工，感覺好似星期五咁 =p 每逢星期尾，就有啲懶懶洋洋，唔多想煮飯，今晚叫咗個pizza...但係，又點可以只係食pizza 咁單調呢? pizza 話哂都係西餐，硬係配沙律啦...食得沙律，又點少得熱湯呢 ? 屋企材料唔多，又唔想落街買，只係夠材料整個最簡單o既薯仔忌廉湯。

薯仔蛋沙律

早兩晚係要睇電視劇大結局，搞到唔係太想煮晚食(驚唔夠時間洗碗會錯過啲劇情) ^_^ 所以求其"撈"埋一堆"沙律"就當晚餐。本來好簡單淨係落薯仔，但諗落又好似唔係好有營養咁，所以加咗啲蛋同煙肉，叫做"營養均衡"啲咁啦。 哈哈，其實都係增加多啲膽固醇就真 =p

薯蓉焗魚柳

好開心呀，終於諗到點用啲貝殼喇! 事原之前有一晚食海鮮，見到啲貝殼咁靚，就咁棄置好似好浪費，所以好俾心機咁洗乾淨佢地，留返來遲啲用。前兩晚本來係整薯蓉焗原條魚柳，突然醒起有啲貝殼，所以將魚柳切件，將佢地"原殼上"，為平凡o既一個餸加添色彩~

煙三文魚焗薯

焗薯好容易整，所以我唔明點解喺"超級三文治"可以賣成三十幾四一蚊一個@@
焗薯可以自由配搭唔同topping，基本上冇咩難度。唯一要注意，就係焗薯嗰時，一定要喺薯皮"吉"啲洞，如果唔係薯仔一路煮熟時啲薯仔內啲蒸氣會"逼爆"啲薯皮。

牛排炆薯仔

只係12月中，但係個人已經holiday mood咗成個禮拜，真係好想快啲放假呀!哩排因為成日都要出街食飯，所以唔係好夠時間出食譜 =p 好鍾意哩個薯仔牛排，可以當餸，懶啲嗰日，就可以落多啲薯仔，當埋正餐。其實可以將份量加大，帶去朋友屋企大食會都可以架 ~

肉醬焗茄子

雖然我屋企好細，但間中都會請朋友返來開小派對。但因地方有限，有時真係唔可以做啲太複雜o既菜色，通常都係做好多小食，一人一件，又可以避免"分餸"。哩個小食，基本上係將三樣我鐘意食o既野放埋一齊，好在，味道都幾夾 =)

肉碎炆薯仔

我平時好少會用湯渣來煮餸，不過早排啲豬肉真係貴咗好多，我覺得哩個餸同口感都幾夾，所以不防試試。為咗蓋住啲湯味，我用咗味道較濃o既柱候醬。做法好簡單，基本上係將所以材料同煮至薯仔變腍，絕對係一個懶人餸。

南瓜蓉

偷懶兩日後，出南瓜系列之第二擊: 南瓜蓉。 哩個我自己好鍾意。可以加雞翼落去煮當餸食，又或者唔加其它材料，當飯咁食都得，西餐又得，中餐又得，總之就係好多變化啦。

南瓜  約300克,切粒 
薯仔  2個,切粒
洋蔥  半個,切粒
蒜蓉  1茶匙
雞湯  約1杯
牛油  2湯匙
糖  1/2茶匙
鹽  約1/2茶匙

1. 先用中火，爆香洋蔥及蒜蓉
2. 加人薯粒及約一半的雞湯，轉慢火，煮約20分鐘，至薯仔可用义壓碎的腍度
3. 轉中火，加入南瓜，煮至南瓜轉腍
4. 熄火，加入牛油、鹽、糖及另一半的雞湯(湯可因應個人喜歡的稀稠而加多減少)再用义壓至蓉後攪拌至勻即可

焗薯皮

我成日都諗唔明，點解一個咁簡單o既食譜，去到餐廳可以買$40-$60(仲要得幾件)...真係好誇張。其實所有材料都好平，製作亦唔難，而且仲健康過食薯片! 若果想再好味啲，可以買啲sour cream + 刁草，將約半杯sour cream加入1茶匙刁草，混合後做dip，包你食到舔手指!