吞拿魚芝士焗薯

週末的早餐我喜歡All Day Breakfast。除了煙肉、腸仔、多士、蛋，沙甸魚亦是我們碟上的"常客"。食法好簡單，只要拉開罐頭蓋，將整罐魚放入焗爐輕輕加熱幾分鐘，再將暖暖的沙甸魚塗在多士上 (可以加蕃茄或牛油果，味道會更正)。揀選沙甸魚我覺得除了產地很重要之外，製作過程亦很重要。葡國老人牌是100%葡萄牙製造，優質天然，鮮捕鮮製，符合我的要求。

查看資料才知，Porthos擁有超過100年製造罐頭魚的經驗，以葡萄牙傳統製法揉合百年經驗精心製造，而且產品是以人手處理，確保產品能夠長期維持高質水準。而重點，是一開罐頭，條魚仲好整齊，不會蓉蓉爛爛。

不過今次project 的主角其實是Porthos的新產品，吞拿魚。吞拿魚食法千變萬化，可以當前菜或正餐，冷熱食皆宜。今次我用吞拿魚做了個小點，可以做party小食，亦可當晚餐的side dish。為了令味道更豐富，今次特別選用了"辣油"口味。值得一提，是老人牌吞拿魚是採用菜油製成，不會為了味道而犠牲了健康。

可樂雞翼

自從搬入新居後，每星期都會有朋友上來house warming，好熱鬧。上星期第一次有小朋友到訪，除了薯條，我覺得小朋友一定是最愛雞翼 (這是我小時最愛小食之一)。不過上星期為了準備 honeymoon 旅行而忙了幾天，沒有時間一早將雞翼醃好，唯有用特別"武器" 可樂。可樂雞翼製作非常簡單，只需約20分鐘就可完成，即使是初入廚的朋友，亦可輕容做到。

預備派對小食，我自己不太喜歡多汁 (尤其是有小朋友，食時難免會將汁週圍滴) ，所以今次收汁後沒有將汁淋在雞翼面，當然，若果是晚飯時煮，可以將可樂汁淋上(送飯一流)。可樂雞翼味道較濃，無須用新鮮雞翼，用質素較好的冰鮮雞翼已經可以做到好好的效果。

蜜汁烤雞槌

燒雞翼♫♪♩我鍾意食 ♪♫♩♫♪♫ 不過食得多有時都要轉轉口味 (老公要新鮮感 :P )，所以今次特別選用了雞翼槌。其實無論是全雞、雞翼或雞槌，要好食最重要都是醃製時間。一般醃雞，我會預2小時或以上(若果時間不足落調味時就要重手少許)，不過時間始終是最佳的調味。

今次試用咗焗爐嘅hot air grill設定, 效果好好, 可以做到外脆內軟。用熱風設定我覺得最好用烤架, 讓熱風可以360度將雞槌"包圍"，確保底面都做到脆皮效果。要做到皮脆，有一個小秘訣，就是要讓雞皮表面風乾才開始焗 (放在烤架上約15-30分鐘)，上網見過有人用風筒吹乾，我就覺得有點怪，所以唯有等它自然風乾。

日式大根

冬季是白蘿蔔盛產期，味道清甜且價錢平。不過買一條蘿蔔，通常都要食兩三餐，第二晚還可，第三晚就會開始覺得悶。早前有朋友生日，去了一間小小的日式居酒/串燒店，店主(兼大廚)傳授了他的大根食譜，原來非常容易做。

日式大根，除了可以當主菜，亦可作派對小食或前菜，要注意的是浸醃的時間，第一次做，蘿蔔最好不要切太厚，否則浸醃時間較難控制。有朋友喜歡較淡的醬油味道(可突出蘿蔔味)，亦有朋友喜歡濃濃的醬油味(伴酒或當主菜食較佳)，所以你可因個人喜好加減甜(味醂)或咸(醬油)味。

煙三文魚配法包

5course 聖誕大餐的第一道菜就是這個頭盤，為免浪費食物，每道菜都只是做了細細份。一般在麵包店買到的法包都是長長的，不過如果只是兩個人食，香港天氣潮濕，食完半條法包已經變軟。所以近期我喜歡買細細個的法包，買一至兩個已經夠一餐，方便得多。切法包一定要用利刀，因為法包比較脆，刀不夠利會令到法包邊凹凹凸凸。

至於調味方面，與煙三文魚最好朋友的當然是cream cheese，不過因為份量用得不太多，若果是怕浪費的話，可以轉用奇妙醬/蛋黃醬，味道雖然差少少，但勝在方便 =) 

巴馬魚柳卷

巴馬火腿的最佳拍檔一定是哈蜜瓜。不過貪心的我，每次都會買三至四款ham....好多時都會剩下一些食不完。最近發現一個新的火腿食法，就是用火腿卷實魚柳，因為魚柳本身味道較淡(只有鮮味)，配合濃味的火腿，效果幾好。今次的新嘗試我只是用了冰鮮魚柳，所以準備工夫不能懶，否則就會食到冰鮮魚柳的雪味; 做法很簡單，就是先用調味將魚柳略醃，而我最喜歡的醃料就是香草和黑椒。不過如果覺得黑椒同白色的魚柳不太配的話，亦可改用白胡椒(味道當然是黑椒較突出)。雖然相影得不清楚，但其實魚柳下有一片蕃茄，食時蕃茄和魚柳的口感差不多(好juicy)，大家可以試試~

扭扭pizza

大食會好多時都會叫外賣pizza，不過好多時送到來的時候已經變暖，欠新鮮。試過買現成的pizza皮....但一看保質期有兩個月.....所以pizza 我堅持自己做。早排在網上找到一個簡易pizza 皮食譜，只需兩樣材料就可以做成基本的pizza 粉糰 !  當然，想個皮好食一點就需要加點香草和調味 (懶的話就可以直接落醬同配料焗!)

這個簡易pizza皮焗完後較傳統的pizza皮軟身及有咬口。要注意乳酪的份量，pizza 粉糰的主要材料是乳酪及自發粉，因為市面上買到的原味乳酪稀稠不一，建議麵粉分幾次加入，以免粉糰太乾或濕。

蒜蓉茄乾焗雞翼

雞翼是每一個大食會必備的食物，沒有雞翼的大食會總是覺得不完美。可是每次都是蜜糖雞翼、黑椒雞翼、可樂雞翼.....真是有點悶。今次的雞翼用了茄乾做醃料，配搭新鮮，除咗可以焗亦可以煎和燒烤。

芝士肉丸配紅苺黑醋蜜汁

轉眼已到年底，又是收納短袖衫，由床下底取出羽絨的時候，一年就這樣過去了。跟往年一樣，聖誕派對檔期早在十一月已經爆滿，可能朋友們都開始"年紀大"，大家都係比較喜歡搞house party，每人負責煮一個款菜色，邊玩邊煮，經濟又有氣氛。最頭痛的地方就是諗食譜，想有創意之餘又不能太複雜，最緊要是煮一碟能在眾多食物當中"突出"自己的菜色(以免剩下的要拿回家)。所以我決定今個月除了和大家分享一些聖誕焗烘煮意之外，亦會介紹一系列的派對小食。除此之外，還會有精選 "二人世界" 的菜單，希望你和另一半(誰煮都好)可以過一個"大滿足"的聖誕節。

今次介紹的肉丸我選用了雞肉(但其實用豬肉亦可以，只以稍為加長焗的時間兩三分鐘即可)，想口感較彈牙和肉丸更多汁就要用雞扒或用雞脾肉，如果是用雞胸或雞柳的話，可試加入少少肥，令肉丸更嫩滑。至於芝士碎，我比較喜歡用淡味的芝士，如mozzarella (水牛芝士) 或 parmesan (巴馬芝士)，因為太重味的話會同醬汁的味道相撞。

蟹肉釀焗蘑菇

接住上個月介紹的忌廉蟹肉醬, 今日好想分享哩個蟹肉釀焗蘑菇，實不相瞞....係用同一罐蟹肉做的(唔係罐蟹肉放咗幾個禮拜, 只係未有時間出食譜啫)。平時做焗蘑菇，我通常會加少少薯蓉做餡，不過今次特別啲，想突出蟹肉味，所以餡料主要用咗蟹肉。哩個小食用o既蟹肉唔多，最啱係蒸蟹食淨一兩隻蟹腳，或者好似我上次咁，用開咗一罐又用唔哂啲蟹肉來做。

忌廉蟹肉醬

好似又有一段時間冇出食譜....係時候由山洞走返出來喇 ~
下個禮拜又放紅日，最啱搞大食會，今日就介紹個派對小食啦。哩個醬可以配焗脆咗o既麵包邊，蔬菜(紅蘿蔔或西芹)條又或者塗上餅乾都可以，幾百搭。其實平時我最鍾意配西芹，不過咁啱食淨咗啲麵包邊, 環保啲，唔好嘥麻~

今次我選用咗罐裝蟹肉，主要都係因為方便啲。當然，亦可以買隻蟹返來蒸，雪凍再拆肉....不過連出食譜都冇時間出o既我，最終都係用現成野。話時話，罐頭蟹肉唔算貴，味道都唔錯，大家可以考慮吓。

泰式燒豬頸肉

哩排公司真係比較忙，多數都係煮啲懶人餐。今晚煮o既係泰式燒豬頸肉。哩個醃法，可以用來bbq都ok，不過我通常都係放入焗爐，只要前一晚醃定，又唔洗睇火，方便得很。材料並不難搵，唯獨係青檸葉，新鮮的比較難買，喺啲南亞雜貨舖會搵到，不過我改用乾的(喺某某鬼佬超市買到)，效果當然冇咁好，不過都算係交到工課。另外一提，就係個蘸汁，因為我唔食得辣，所以用咗泰式甜辣椒醬代替辣椒粉，哩個可按個人口味調教啦。

檸汁香草雞翼

雞翼永遠都係最受歡迎o既派對小食。我好鐘意哩個雞翼，因為可以一早醃定，到時到候放入焗爐就食得。其實有時我會煮多個意粉，配埋一齊食，好正架 ~

煙三文魚忌廉醬

連續狂歡十日後...真係成個人都散哂...今晚真係要乖乖地留喺屋企休息吓先(要整理吓啲相同食譜，好多朋友都吹我要快啲出上個禮拜派對啲食譜=p...盡量啦^_^。上個星期去咗幾個house party，當中有幾個食譜一定要同大家分享返。


哩個cream cheese dip食譜一定要出，因為真係好容易整，最適合做cocktail時段或等食正餐之前o既小食。可以用餅仔直接"點"又或者塗喺薄o既多士上都好好食架。為咗配合聖誕節，我特登將個醬壓成正方形，加條"小絲帶"，係咪好有聖誕氣氛呢?

水蜜桃意粉

今個星期，日日都係大食會同開派對，真係食到食唔落@@ 所以對兩晚o既party, 我就整咗個清清地o既意粉，甜甜酸酸，幾開胃架~ 係咪冇諗過水蜜桃都可以用來做意粉呢?其實大家可以按照自己喜歡的甜酸度調教意粉汁，自家製 = fit哂自己口味 =)

巴馬火腿芝士餅

臨近聖誕，哩幾日晚晚都同朋友食飯，傾吓傾吓先知好多人都默默支持<自家廚房>...好開心。當中，好多朋友仲建議一啲新內容o既idea，俾咗好多靈感我，原來大家都為我哩個"小project"緊張。我會努力架喇!


今日只係介紹簡單的派對小食。只係將兩樣我好鍾意食o既野放埋一齊...可唔可以當係一個食譜呢 ^_^""

牛排炆薯仔

只係12月中，但係個人已經holiday mood咗成個禮拜，真係好想快啲放假呀!哩排因為成日都要出街食飯，所以唔係好夠時間出食譜 =p 好鍾意哩個薯仔牛排，可以當餸，懶啲嗰日，就可以落多啲薯仔，當埋正餐。其實可以將份量加大，帶去朋友屋企大食會都可以架 ~

素炸腐皮卷

雖然我唔係食素，不過我就好鍾意食用腐皮包o既素卷，又簡單又好食。可以做派對的頭盤小食，又或者當餸送飯都得。今次哩個素卷我用咗5種唔同素菜，令口感更豐富。

海苔豚肉卷

哩個卷，材料簡單，但係真係食到停唔到口。我哩個份量做到約10件(每個抓餅可做約5件)，因為我每次都會做約4-5個小食，所以每個小食份量都唔會做太多。哩個卷製作時間短，最佳係暖食，所以最好係等賓客到齊先做 =)

肉醬焗茄子

雖然我屋企好細，但間中都會請朋友返來開小派對。但因地方有限，有時真係唔可以做啲太複雜o既菜色，通常都係做好多小食，一人一件，又可以避免"分餸"。哩個小食，基本上係將三樣我鐘意食o既野放埋一齊，好在，味道都幾夾 =)