黑松露雜菌忌廉湯

天氣開始轉涼，除了煲一些滋潤湯水，亦是飲忌廉湯的季節。夏天飲忌廉湯總是覺得有點膩，冬天飲就暖笠笠。其實忌廉湯底做法不難，只要用牛油炒香麵粉，再加入適量奶煮滾便可。基本上可以用同一方法煮意粉汁，只是將奶的份量減少，令汁變稠。今次將最經典的雜菌忌廉湯加少少黑松露醬，提升味道。

一般用來煮醬汁我不會買價錢太貴的黑松露醬。黑松露醬價錢由黑松露含量決定，價錢平的可能只有3-5%黑松露，想食得好，可揀選約10-20%含量的黑松露醬，味道會較香，不過價錢當然會較貴。

蘑菇扒脆脆豆腐

豆腐，蒸炒煮炸皆可，是我近期最喜歡的食材之一。事緣婚後老公想食得健康點，而早午兩餐通常都是多肉少菜，所以現在晚飯我們實行多菜少肉，感覺上較容易消化。

今次選用了布包豆腐，口感嫩滑之餘煎時亦不易散。有朋友問到，煎豆腐有何秘訣，其實除了落適量的油，最重要是用廚房紙印乾表面。

暖菇沙律

近排轉季，天氣濕濕笠笠，經常都沒有胃口食飯。上個星期有一兩晚都成二十四五度，今年的夏天好像比往年來得早。前兩日行街市見到我最愛的啡蘑菇，即時想起之前試過一個暖沙律 (在餐廳食的板本是有烤雞的)，自家廚房的板本就用了松子仁代替肉類，平時食lunch 已經少菜多肉，所以晚餐盡量安排得"素"一點~

波特菇焗蛋

肥媽曾在<食平D> 節目內介紹過 "大啡菇" ，香港又稱為波特菇，英文是 portobello mushroom。Portobello 平均直徑有三至四吋，口感有點似肉類，所以食素的人士有時亦會煎來當扒食。我很喜歡 portobello，除了口感外是因為它的菇味特濃，不過進口貨最平都$20-30一隻，對於慳家的我，實在不能常吃。好消息是，最近幾個月，間中都會在超市內見到"本地"種的大啡菇(大蘑菇)，雖然個種就同進口的不同 (口感都是爽彈的不過味道較淡) 價錢比進口的平一半，約$10左右一隻，抵食。

以下的焗蛋是用進口的portobello ，是做特價時買的 (@$10/隻) =P 所以肥媽講得好: 「我地係要食平啲，唔係食cheap啲」，最緊要平時留意價錢，遇到平貨先識得買 !

簡易冬蔭功

熟識我的粉絲們一定知我不能吃得太辣，所以泰國菜並非我的強項。不過喜歡研究新食譜的我，又怎會因此而放棄泰國菜呢? 通常我都會"減辣"至我可接受的"辣度"，當然，可能沒有"原裝" 食譜那麼好食，但總好過只能看其他人食~

上個月有朋友去泰國旅行，手信當然是泰國食材 ! 好開心呀，一set 已經有齊所有做冬蔭功的香料 ^_^ 雖然用乾香草沒有用新鮮的那麼"傳神"，不過勝在方便，如果去泰國旅行的話，絕對要買一套返來玩。

菠菜野菇意大利雲吞

意大利雲吞，看似很難，原來試做後，都不一定是mission impossible。需要的工具很簡單(只要木棒)，且製作時間不算太長(今次第一次做，由開始至完成，都是約1小時)，大家不妨試試。

自家製雲吞除了較新鮮外，還可以自選餡料，今次我選擇用成本較低的菠菜和蘑菇，萬一失敗都不會"傷亡慘重" =P 因為較貴，所以菠菜我沒有用外國的...只是用了本地的 - 葉會較大片，不過味道和口感都差不多)。材料約$15，已經做到12隻2吋雲吞!  今次試驗成功，下次會再試試其他餡料和形狀。至於菠菜、蘑菇和芝士的比例，就可按個人喜好加減。

沙樂美蘑菇香草批

二十幾近三十度的室溫，最適合就係整吓麵包同pizza，因為麵糰會比得十幾度嗰時發得快好多。平時冬天要等兩個幾三個鐘麵糰先發好，夏天就差多一半時間多啲就發起，真係慳水慳力。 其實之前都已經介紹過pizza 個批皮，今次個底基本上同之前一樣，只係加咗啲香草入去。過幾日我會試改用wheat flour 同 rye flour，而家咩都講求健康同高纖，所以自家廚房出品都會盡量做到最健康， 研究到好味就同大家分享啦~

蘑菇焗蛋餅

好多時買材料煮西餐，只係用得一部份，到第二晚，因為唔想食同昨晚同樣的菜色，最終，都係浪費剩餘食材。尋日朝早打開雪櫃，又"發現"一啲前晚的剩餘物資，諗咗一諗，見到有蛋，不如就整個frittata啦。

傳統的做法，會先將材料爆香至半熟，再加入蛋漿拌均，在平底鍋裡煎至底部金黃，之後移到焗爐，焗至表面都金黃及蛋漿熟透。我今次哩個版本同傳統做法有啲唔同，分別係先將材料炒至半熟，再平均地分在muffin模裡，再倒入蛋漿焗。除此之外，為咗讓蛋更腍更滑，我喺蛋漿裡加咗少少奶，可算係另一種口味。唯獨是味道會較用純蛋漿的做法冇咁香口。

蟹肉釀焗蘑菇

接住上個月介紹的忌廉蟹肉醬, 今日好想分享哩個蟹肉釀焗蘑菇，實不相瞞....係用同一罐蟹肉做的(唔係罐蟹肉放咗幾個禮拜, 只係未有時間出食譜啫)。平時做焗蘑菇，我通常會加少少薯蓉做餡，不過今次特別啲，想突出蟹肉味，所以餡料主要用咗蟹肉。哩個小食用o既蟹肉唔多，最啱係蒸蟹食淨一兩隻蟹腳，或者好似我上次咁，用開咗一罐又用唔哂啲蟹肉來做。

野菇蕃茄炒

哩個實在唔係乜野難煮或好有創意的菜色。基本上平時唔入廚房o既朋友都應該處理到。 特別之處在於今次選用的係"野菇" (wild mushrooms)，價錢當然會比一般的菇貴，但係原來真係一分錢一分貨，因為哩啲野菇o既"菇味"會比一般的種植菇濃烈，鍾意食菇類o既我，真係俾十個讚呀~

焗釀蘑菇