卡邦尼意粉

自從有了小朋友，入廚時間自然比以前少，寫blog 的時間更少。下班後要先到奶奶家中接女兒，然後再到街市買餸，回到家有時真不願動，只想躺在梳化睡。以前總喜愛三餸一湯，現在女兒已經一歲，越來越喜歡粘著媽媽，別說三餸一湯，兩餸都有困難，所以懶起來晚餐只會煮簡單意粉或碟頭飯。

在餐廳食卡邦尼意粉多數都加了忌廉或奶，不過原來傳統Carbonara 材料並沒有這兩款食材。傳統卡邦尼意粉做法是將煙肉爆香(逼出油份後)，加入意粉及少量煮意粉時的水份，令煙肉油和水產生乳化作用，最後加入芝士蛋漿，用鍋的餘溫將蛋漿煮熟成汁。

其實製作過程非常簡單，不過很多新手都會失敗，只因未能成功掌握落蛋漿時鍋的溫度: 太熱的話漿蛋會變成炒蛋，太凍的話就不能成汁。最簡單的方法就是用耳朵當"溫度計"，爆香煙肉後熄火，加入意粉及水，讓鍋降溫，初時加入意粉，應該會聽到"沙沙"聲，待沒有"沙沙"聲後，鍋已降到合適的溫度，可加入蛋漿。我用這個方法百試百靈，希望可以幫到新手們。

芝士焗通粉

放完幾個月悠長產假，上個月底終於復工。現在每日都要安排湊B、做家務和入廚時間，在職媽媽不易做，恨不得每日有48小時。雖然好多朋友都勸我放工後好好休息，不要堅持每晚三餸一湯，不過為了囡囡可以食到有營養的母乳，可以避免的話都不想食外賣。為了方便有時亦會週日準備定星期一的晚餐，芝士焗通粉可以預早準備，放工回家放入焗爐便可，非常方便。

今次食譜我用了中濃度(Medium Age)的車打芝士和淡味的水牛芝士，芝士控可選用Aged Cheddar ，芝士味會較濃。


視像示範:

車打芝士餅

大部份食物發霉後就不能吃，不過芝士就要看種類。硬芝士，例如巴馬臣或車打，即使表面發霉仍可以食，只要切掉發霉的部份，約一吋左右，便可繼續食用。不過軟芝士，例如忌廉芝士或水牛芝士，若果發霉了就要即時棄掉，大家要注意最佳食用日期。

其實今次的芝士餅做法有點似scones，不過為了健康，所以減少了牛油份量，口感較似西式quick bread(快速麵包)。

ps. 芝士餅最好即日食，若果是隔晚做，食時最好用焗爐熱一熱

吞拿魚芝士焗薯

週末的早餐我喜歡All Day Breakfast。除了煙肉、腸仔、多士、蛋，沙甸魚亦是我們碟上的"常客"。食法好簡單，只要拉開罐頭蓋，將整罐魚放入焗爐輕輕加熱幾分鐘，再將暖暖的沙甸魚塗在多士上 (可以加蕃茄或牛油果，味道會更正)。揀選沙甸魚我覺得除了產地很重要之外，製作過程亦很重要。葡國老人牌是100%葡萄牙製造，優質天然，鮮捕鮮製，符合我的要求。

查看資料才知，Porthos擁有超過100年製造罐頭魚的經驗，以葡萄牙傳統製法揉合百年經驗精心製造，而且產品是以人手處理，確保產品能夠長期維持高質水準。而重點，是一開罐頭，條魚仲好整齊，不會蓉蓉爛爛。

不過今次project 的主角其實是Porthos的新產品，吞拿魚。吞拿魚食法千變萬化，可以當前菜或正餐，冷熱食皆宜。今次我用吞拿魚做了個小點，可以做party小食，亦可當晚餐的side dish。為了令味道更豐富，今次特別選用了"辣油"口味。值得一提，是老人牌吞拿魚是採用菜油製成，不會為了味道而犠牲了健康。

焗薯皮 (墨西哥style)

世界盃今晚開鑼，你支持那一隊? 我曾經被批評為一個不合格的"睇波伴侶"，不過我已經盡量學，現在，起碼我知道越位是什麼，還有十二碼和自由球的分別。算是合格吧 ^_^""  雖則我不是個合格球迷，不過做個合格女友就難不到我 =P 除了充當"人肉鬧鐘"，當然要負責睇波時的小食啦 ! 所以今個月，我分享的主要會是小食食譜，畢竟相對睇波，我對煮食較有興趣 ~

焗薯皮是在酒吧睇波時必點的小食，其實自已製作都很容易。早一兩年分享過簡易版的焗薯皮食譜，一路都是十大最受歡迎食譜之一，所以最近研究了另一個味道較豐富的版本，希望大家喜歡。

必需一提，焗薯皮最好是用焗薯，不過香港較難買到，多數買到的是較薄皮的新薯，沒有辦法，唯有將就一下(我今次都是用新薯)~

芝心西多open toast

眾所周知，用橄欖油煮食有助心臟健康和減少血脂。同時它亦含抗氧化物，讓愛美的女士們皮膚更亮麗和青春常駐。不過在我的意識裡，橄欖油一般都只可以用來做沙律或煮西餐，因為味道較濃和燃點低，用來炒或炸就會較易燶。直至接觸Filippo Berio (百益) 的橄欖油之前，我從未試過用橄欖油炸食物。

比起特純橄欖油(Extra Virgin Olive Oil)，清淡橄欖油(Extra Light Olive Oil) 顏色和橄欖味都較淡，用後不會掩蓋食物原本的鮮味，適合高溫煮食或煎炸。今日分享的食譜是用了清淡橄欖油，而我用的烹調方式是半煎炸，果然沒有濃烈的橄欖香，效果不錯。

西多士是下午茶經常會點的小食，我也是西多的粉絲。不過喜歡芝士的我，今次改用了車打芝士做餡 (如果想做到切開一絲絲芝士的效果可改用mozzarella cheese)，再放上牛油果和香脆煙肉做成open toast。選購牛油果時一定要揀較熟的，因為食時要將牛油果壓扁(讓牛油果變成"膠水"將多士和煙肉二合為一)。

芝士鬆餅

早前因為趕製賀年食品和準備<尋找北極光之旅>的行程和用品，無奈地要暫停出食譜。回來一星期，晚晚都眼光光數棉羊...每天都在公司釣魚。剛剛適應時差，第一件事當然是寫食譜=) 至於我的北極光之旅，大家要等多一陣，待我有時間整理相片，再慢慢和大家分享~

去北歐旅行兩星期，最開心就是可以試到芬蘭、瑞典和挪威菜。三個國家，各有特色，不過總括而言，兩星期吃得最多的是包! 因為基本上無論早餐、午餐或晚餐都會有一籃包任君選擇。過去兩星期食過很多不同款式的muffins 和croissant.....記憶中好像沒有食過scones (因為鬆餅好像是來自英國的) 唯有自己動手吧 !

以下的鬆餅因加了芝士，所以是咸的。為了特出芝士味，我加了一點黑椒和辣椒粉 (chili pepper)，如果是怕辣的朋友，可以減少辣椒粉的份量或轉用紅椒粉 (paprika)。

菠菜野菇意大利雲吞

意大利雲吞，看似很難，原來試做後，都不一定是mission impossible。需要的工具很簡單(只要木棒)，且製作時間不算太長(今次第一次做，由開始至完成，都是約1小時)，大家不妨試試。

自家製雲吞除了較新鮮外，還可以自選餡料，今次我選擇用成本較低的菠菜和蘑菇，萬一失敗都不會"傷亡慘重" =P 因為較貴，所以菠菜我沒有用外國的...只是用了本地的 - 葉會較大片，不過味道和口感都差不多)。材料約$15，已經做到12隻2吋雲吞!  今次試驗成功，下次會再試試其他餡料和形狀。至於菠菜、蘑菇和芝士的比例，就可按個人喜好加減。

芝士薯餅

早餐可以話係每日令人最頭痛o既一餐。星期一至五就要趕返工，冇時間煮。星期六日...嘿嘿...當然係訓到日上三竿啦 =P  哩個芝士薯餅絕對係週末"想食好啲"但係又懶煮o既好"煮"意。只需用刨絲器不斷刨刨刨，之後攞去煎就可以。 雖然今次我只係用咗洋蔥同芝士配搭，但係其實哩個薯餅好多變化，可以加煙肉碎或改用三文魚。

至於芝士，我最終意用水牛芝士碎，因為薯餅煎熱後，一咬就可以拖出長長的芝士絲，好開心架! 

香草芝士蒜蓉包

西式晚餐，前菜好多時都有沙律同湯，配麵包最啱。但係好多時買一條麵包，一餐就只係食到一半。為免浪費，我通常都會放入冰格過幾日再食。不過喺冰格攞出來當然唔可以就咁食啦，而我最鐘意就係將佢變成香噴噴o既蒜蓉包，加埋一孖腸仔同太陽蛋，就變成一個完美o既早餐。

要確保麵包唔會雪壞，放麵包入冰格前一定要包好，最好就係用密實袋，若果包得唔好令佢"漏風"的話，麵包雪幾日就會被抽乾水份，再反焗時就會變成一塊餅乾咁脆卜卜~

格格蒜蓉芝士包

哩幾日天氣報告都話會落雨，睇怕weekend最佳活動都係留喺屋企發呆。為免聽朝起身冇早餐食，最好今晚放工經過麵包店買埋早餐。平時早餐多數都係食港式麵包，所以週末盡量都會揀方包或法包。不過香港咁潮濕，法包放過夜後，好多時都會變腍，食前焗一焗熱佢，會好食好多。早排喺網上見到一個做法，幾有趣，經改良後，就變成以下的格格蒜蓉芝士包 =P 製作簡單，除咗可以做早餐，亦可以用來配意粉或西湯~

以下的份量是一個小法包的份量，同樣做法可用改用長棒型法包(份量就要自己加減喇)。至於芝士方面，可以隨意自選喜歡的口味，今次我選用咗較淡味o既 gouda cheese。

水牛芝士波配香草豬扒包

豬扒包明明係中式....加咗舊水牛芝士，哈哈，唔中唔西，都唔知搞乜。不過我成日都覺得唔緊要啦，中英法日俄，最緊要好食呀麻! 如果想豬扒鬆啲，最好係揼吓佢先醃。 今次係我第一次成塊水牛芝士咁放入焗爐焗，個效果好正呀，一咬入去一撕，好長o既芝士絲，嘿嘿~

焗蕃茄肉醬意粉

好多時街買到o既焗意粉醬或者喺餐廳食到o既啲都係用牛肉做材料。不過因為牛肉比較燥，所以如果係自家製的話通常都會揀用豬，雖然味道會冇咁濃，不過健康啲好。其實好多朋友都會笑我點解連意粉醬都要自家製，原因除咗味道可自己控制外亦何以話係食得健康啲(因為少啲防腐劑同味精麻)。 今次做哩個醬材料唔多，反而香料多，如果喺街買，哩個會係italian herbs 口味。

薯蓉焗魚柳

好開心呀，終於諗到點用啲貝殼喇! 事原之前有一晚食海鮮，見到啲貝殼咁靚，就咁棄置好似好浪費，所以好俾心機咁洗乾淨佢地，留返來遲啲用。前兩晚本來係整薯蓉焗原條魚柳，突然醒起有啲貝殼，所以將魚柳切件，將佢地"原殼上"，為平凡o既一個餸加添色彩~

巴馬火腿芝士餅

臨近聖誕，哩幾日晚晚都同朋友食飯，傾吓傾吓先知好多人都默默支持<自家廚房>...好開心。當中，好多朋友仲建議一啲新內容o既idea，俾咗好多靈感我，原來大家都為我哩個"小project"緊張。我會努力架喇!


今日只係介紹簡單的派對小食。只係將兩樣我好鍾意食o既野放埋一齊...可唔可以當係一個食譜呢 ^_^""

芝士蕃茄配餅仔

水牛芝士本身味道唔濃，加上芝士球個質感好似一個硬豆腐咁，最適合作一啲較輕型o既菜式。我最鍾意就係加帶酸o既沙律醬，好配合水牛芝士的淡牛奶味。


好鍾意哩個餅仔，唔洗好多準備功夫，又健康，食多啲都唔怕。如果屋企搞party，可以試吓做哩個(不過要注意，唔可以太早前預備，因為蕃茄有水份，放得太久會令餅乾變腍)

水牛芝士球 1個
蕃茄 2個,切片
water crackers 約12塊
意式沙律醬 約3湯匙
鮮羅勒 少量

1.用乾淨的手，將芝士球搣成細細塊
2.蕃茄放在餅乾上，醬芝士塊沾上沙律醬後放上蕃茄上

3.最後放上鮮羅勒即可

焗釀蘑菇