香煎羊架配黑醋車厘子汁

夏天是車厘子盛產的季節，新鮮摘的車厘子除了可以當作生果外亦能當甜品的主角。其實鮮甜的車厘子，亦可配肉類。深紅色的醬汁是由車厘子、黑醋、紅酒加上湯煮成。這個醬汁非常百搭，配紅肉或白肉皆可，而製作簡單。醬汁的精華在就是煎羊架時的油份和肉汁，所以煎完羊架後切勿清潔平底鍋，只要將醬汁材料放進鍋裡煮3-5分鐘即成。

至於羊肉的生熟程度，我較為喜愛七至八成熟，羊肉與牛肉不同的地方就是羊肉有點羶味，太生的話只能吃到羶味而沒有羊的香味。

滋味羊腩煲

六十年一遇的寒流，朋友們竟然選擇了去西貢露營。幸好我們裝備齊全，不但沒有凍死野外，還可以暖笠笠打邊爐。離開營地時還落小冰粒，在香港確實罕見。不過說到尾，低溫下戶外活動真是要小心點，不要高估自己的能力，累到自已亦禍及救護人員。

寒冷天氣，最適合食羊肉，暖胃之餘又補身，而眾多羊肉菜色之中，羊腩煲必定是首選。製作羊腩煲很簡單，只要爆香醬汁及羊肉，轉細火炆約一小時即可。至於醬汁，我喜歡用南乳和腐乳 (比例是南乳 1:2 腐乳)，有些食譜會用柱候醬或蠔油，不過我覺得只用腐乳調味較能帶出羊的羶味，用太多調味會蓋過羊本身的味道。

脆脆烤羊架

足足四日冇出食譜喇!之前因為要幫朋友搞婚禮所以忙咗幾日，雖然仲係好攰，不過要出食譜喇 !


前晚做咗個羊架，原來好簡單就做到餐廳o既水準。就算平時好小入廚o既朋友，都應該會處理到，唯獨是，香料比較多，若果真係買唔到新鮮的話，用乾o既都得，不過可能個味道就會差啲。

羊架  2排

麵包糠  1杯
芥末  2湯匙
蕃茜  2湯匙,切碎
鮮迷迭香  1湯匙,切碎
鹽  1/2茶匙
黑椒  1/4茶匙
橄欖油 2湯匙

1.用少許鹽及黑椒將羊架略醃，再用中大火，將羊架煎至金黃(每面約3-4分鐘)，盛起備用
2.將所有調味混合，平均地塗上羊架上(小貼士: 用手輕按，有助麵包糠黏實)
3.以190C焗約20-25分鐘，至羊架熟約7-8成即可(若想更熟，可再焗多5-10分鐘)

香草黑醋汁羊扒仔

又到至愛的羊扒仔出場喇 ! 今次又用咗另一個汁做配搭。自從發現黑醋可以用來做意粉汁之後，就不斷搵唔同黑醋汁的食譜。所以大家會喺<自家廚房>到見到一系列o既"黑醋"食譜。 其實哩個汁好多時都會喺餐廳食到，酸酸地，好開胃架~

羊扒仔  3-4塊
黑醋  1/2杯
雞湯  3/4杯
牛油  1/2湯匙

橄欖油 1/2湯匙
迷迭香  1茶匙
羅勒   1/2茶匙
百里香  1/2茶匙
蒜蓉  1茶匙

1. 先混合調味，塗上羊扒上，醃最小15分鐘
2. 以中大火，煎香羊扒的兩面，至喜歡的生熟程度，盛起
3. 不用洗鍋，倒入黑醋及雞湯，轉至中慢火，將醋與鍋內的"羊精華"煮至剩下一半的份量
4. 加入牛油，待牛油溶掉後，即可將汁淋上羊扒上

乳酪羊扒仔

聽聞哩醃製方法係用來做souvlaki(希臘式串燒)，不過食落，我覺得味道較似中東o既口味多啲。點都好，哩個一定要介紹。原來乳酪可以令肉質變腍亦唔會蓋過肉o既香味，用來做牛肉亦可以。


雖然今次我冇用來做串燒，不過一樣咁好食。若果想肉質表面較香口，可以炭燒(或BBQ)，不過我今次係用鑊煎(只係晚餐，唔想洗咁多野呢)


特登搵哩個食譜，係因為啲香料同上次做咖哩啲香料差唔多，上次買咗好多支呢，哈哈，要用多好幾次先冇咁嘥 =P 不過要一提，其實芫荽籽可以唔買，每1茶匙芫荽籽可以用1湯匙先芫荽(切碎)代替，很方便，亦可減少要買的香料。

羊扒仔 4-6件

原味乳酪 約1杯
小茴香粉 1茶匙
芫荽籽 2茶匙
紅椒粉 1/2茶匙
蒜蓉 3茶匙
鹽 1茶匙
黑椒 1茶匙
橄欖油 2湯匙
檸汁 1湯匙

1.將所有醃料混合
2.羊扒仔洗淨後印乾，再放入醃料裡醃過夜(最少12小時)
3.煎/燒前，先刮走表面的乳酪，用中火，煎/烤至金黃，反轉再煎/烤至喜歡的生熟程度即可

迷香羊粒抄青瓜

一個中西合璧的小菜，希望大家鍾意。

春天來了，用檸汁煮野食，令菜色更有春天的氣色。且羊肉加入檸汁醃製，能除去蘇味之餘亦能令肉質較鬆化。

材料:

羊肉粒 300克

青瓜 1條

迷迭香 2茶匙

檸汁 1湯匙

蒜蓉 1茶匙

鹽及黑胡椒各半茶匙

製作:

1. 羊肉粒先用迷迭香及檸汁醃30分鐘

2. 用中火，爆香蒜蓉，加入羊肉粒抄1分鐘

3. 再加入青瓜抄至全熟(約2-3分鐘)，用鹽及黑胡椒調味即成 !