最近兩星期的天氣一天比一天熱，最高33度，真是有點想偷懶，不想入廚。看來是時候推出我的夏日食譜，以最短時間煮出最好味的菜色。又是東芝變頻式蒸氣微波爐出場的時候 =)
除了之前分享過的低溫蒸氣烹調外，它亦有一般的蒸氣烹調功能。用了它來蒸餸，廚房會較涼爽，一方面因為蒸餸時只會排放少量蒸氣，另外亦無需預早煲定一鍋水，只需將適量的水放入水匣，開爐後約十幾秒就已經開始出蒸氣，非常方便。
今日分享的越式蒸蜆是去年在越南旅行時學的。我喜歡研究不同食材和烹調技巧，所以去到不同地方旅行，有機會我就會去參加當地的烹飪班。食譜非常容易，材料搜集是這個食譜最難的地方。因為用的香料，未必一般街市能買齊，最好是去九龍城的東南亞雜貨舖。如果想方便，可以嘗試到超市的凍櫃，買"冬蔭功香料包"，裡面會有齊所需的香料。
和牛本身肉質和牛肉味較好，所以只要簡單的準備工夫已經可以令牛肉味非常突出。上星期買了一塊M5，本來想試Gigi姐在吾淑唔食內介紹過的蘸汁，不過最終因為未能買齊材料，唯有改變初衷，轉用西式煮法。
雞翼是每一個大食會必備的食物，沒有雞翼的大食會總是覺得不完美。可是每次都是蜜糖雞翼、黑椒雞翼、可樂雞翼.....真是有點悶。今次的雞翼用了茄乾做醃料，配搭新鮮，除咗可以焗亦可以煎和燒烤。
西式晚餐，前菜好多時都有沙律同湯，配麵包最啱。但係好多時買一條麵包，一餐就只係食到一半。為免浪費，我通常都會放入冰格過幾日再食。不過喺冰格攞出來當然唔可以就咁食啦，而我最鐘意就係將佢變成香噴噴o既蒜蓉包，加埋一孖腸仔同太陽蛋，就變成一個完美o既早餐。
要確保麵包唔會雪壞，放麵包入冰格前一定要包好，最好就係用密實袋，若果包得唔好令佢"漏風"的話，麵包雪幾日就會被抽乾水份，再反焗時就會變成一塊餅乾咁脆卜卜~
哩幾日天氣報告都話會落雨，睇怕weekend最佳活動都係留喺屋企發呆。為免聽朝起身冇早餐食，最好今晚放工經過麵包店買埋早餐。平時早餐多數都係食港式麵包，所以週末盡量都會揀方包或法包。不過香港咁潮濕，法包放過夜後，好多時都會變腍，食前焗一焗熱佢，會好食好多。早排喺網上見到一個做法，幾有趣，經改良後，就變成以下的格格蒜蓉芝士包 =P 製作簡單，除咗可以做早餐，亦可以用來配意粉或西湯~
以下的份量是一個小法包的份量，同樣做法可用改用長棒型法包(份量就要自己加減喇)。至於芝士方面，可以隨意自選喜歡的口味，今次我選用咗較淡味o既 gouda cheese。
