甜辣蝦配乾曬蕃茄意粉

乾曬蕃茄 (sun-dried tomatoes) 最正確的譯法應該是曬乾蕃茄或蕃茄乾 ? 實在我也不太清楚，嘗試在網上搜索，發覺大部份食譜都是用英文名，所以，大家請包涵這個"自創"的譯名啦。乾曬蕃茄最常用於意粉食譜中，有時亦會用來做pizza 或前菜。據說，乾曬蕃茄含高維他命C 及抗氧化物 (基本上同蕃茄一樣)，不過由於蕃茄曬乾時加入了鹽份(加鹽有助保質)及用了油浸，所以要注意，即使營養價值高每日也不宜多吃。

乾曬蕃茄本身味道好濃，用來煮意粉不用加太多調味，我通常會加少許鹽及香草已經好夠味。若果想令意粉更惹味，可用上湯(雞或菜)取代水。但注意不要加太多，否則有機會蓋過乾曬蕃茄原有的甜味。


乾曬蕃茄小貼士:  用浸蕃茄乾的油來取代食譜內部份的橄欖油/牛油，有助提升味道

長通粉  約200克(煮至al dente)
乾曬蕃茄  2塊 (中), 切碎
蕃茜  1湯匙, 切碎
羅勒  1-2片, 切碎(可用1/2茶匙乾羅勒取代)
乾牛至 (oregano)  1/2茶匙 
蒜蓉  1/2茶匙
洋蔥  1/4個, 切粒
橄欖油/牛油
水(或上湯)  約1/4杯
鹽及黑椒  

中海蝦    約15隻, 脫殼 (留尾)
蒜蓉  1/2茶匙
泰式甜辣椒醬   約2湯匙

1. 鮮蝦洗淨後去腸，用約1/4茶匙鹽及黑椒略醃，備用
2. 開中火，用牛油或橄欖油(可加入少許蕃茄乾油)爆香洋蔥及蒜蓉，至洋蔥開始轉透明，加入乾曬蕃茄及其他香草，煮至蕃茄及香草開始散發香味
3. 加入意粉，炒勻後加入一至兩湯匙的水，炒至水份完全被吸收，重覆(3)至意粉達到個人喜歡的軟硬程度(如果喜歡意粉較腍的朋友，有機會要加多過1/4杯水)
4. 以鹽及黑椒調味，盛起意粉
5. 不用洗鍋，用少許牛油(或橄欖油)爆香蒜蓉，轉大火，加入蝦，快炒至蝦身轉白色，倒入辣椒醬，炒均即可上碟