香桃炒排骨

早兩日屋企條上網線壞咗...搞到update唔到新食譜。自從舊年christmas party買咗幾罐水蜜桃後，就愛上咗佢; 不斷諗一啲用到水蜜桃的食譜。其實近年見到好多名廚都會以果 入饌，不過我又覺得某啲食譜有啲勉強，又或者話，有些水果其實唔係好適合熱食，加熱後會令生果變質感或變酸。我鍾意水蜜桃係因為無論熱食或做冷盤都能為餸菜加上清新感，總係令人更開胃。今日為大家介紹一個"熱食"，遲吓，再介紹啲冷盤o既食譜。

水蜜桃意粉

今個星期，日日都係大食會同開派對，真係食到食唔落@@ 所以對兩晚o既party, 我就整咗個清清地o既意粉，甜甜酸酸，幾開胃架~ 係咪冇諗過水蜜桃都可以用來做意粉呢?其實大家可以按照自己喜歡的甜酸度調教意粉汁，自家製 = fit哂自己口味 =)

水蜜桃煙鴨胸沙律

星期天，我都係鍾意喺屋企hea吓。有時唔想煮啲太複雜o既野，又想清清地，最容易就係整沙律。不過天氣開始涼，又唔係好想食凍野，所以整咗哩個暖沙律。哩個沙律最重要就係要煎香啲鴨胸(最主要係要煎香啲鴨油，一方面等佢流一部份油出來，健康啲，另外，鴨油煎熱後會香口好多)。