最近幾星期防疫措施又收緊，六點後冇堂食，逼住大家又要做疫境廚神。除咗去入貨，我地都甚少外出。一家三口連姐姐四個人，每日都在家困獸鬥。唯有每日襯個女訓午睡時先有啲me time，通常都係走入廚房睇吓今晚食乜餸。
早兩日OJ 上 zoom 堂時，偷聽到佢同老師講，最鍾意嘅食物係 1)薯條 (哩個係跟同學答嘅) 2)漢堡包 3)蘋果批 。頭兩個答案都好正路，因為平時我地都經常食，蘋果批就真係有啲奇怪，我地對上一次食都記唔起係幾時，唔知點解佢會咁答呢? 近排三餐都喺屋企食，餐餐食飯同食麵真係人都癲，今晚轉吓口味，食OJ 最鍾意嗰兩樣野~
