睇波一定會飲啤酒，食燒雞和薯片 perfect match ! 今次的越式燒雞是前年去蜆港旅行時學的，非常簡單。醃料主要材料是魚露、青檸汁、蒜和乾蔥。想令味道更豐富可以加香茅或花生醬。不過用任何醃料，最重要都是有足夠時間醃雞 (我喜歡醃8小時或以上)，放入焗爐前一小時，我會將雞放在烤架上，讓雞皮表面風乾，雞皮會較脆。除了燒雞，還焗了三色薯片。焗薯片比油炸健康得多，只需用少量橄欖油，就可做到卜卜脆，關鍵是要切得夠薄，有廚師機幫手，絕對零難度。不用一分鐘，就已經將薯仔和蕃薯切好，超方便。
至於焗爐設定，烤雞時我用了hot air grill (上發熱線 + 風)，焗盤放在中層。約20分鐘後將烤雞移到底層，將放了薯片的焗盤放最頂，轉用3D hot air plus。3D hot air plus 是熱風，熱力均勻，可以同時將高中底三層的食物同時烹調。以往用其他焗爐，多層煮食時會有熱力不均勻的情況，令到食物一面燶一面生 (或要焗到中途開焗爐將焗盤調轉放) Bosch 就沒有這個問題，德國設計果然可靠 !
今次用了椰菜絲伴碟，與濃味的雞非常配合。另外亦做了新鮮芒果蘸醬，配燒雞或沾薯片都好味。
春雞 1隻
魚露 1湯匙
花生醬 2茶匙
薑黃粉 1/2 茶匙
蒜蓉 1茶匙
乾蔥 1粒, 切蓉
青檸汁 2茶匙
糖 1茶匙
黑椒 少許
(三色薯片)
薯仔 1個
紫蕃薯 1個
黃蕃薯 1個
橄欖油 約2茶匙
海鹽/黑椒/辣椒粉 各1/2茶匙
蒜蓉 1茶匙
(伴碟)
椰菜 半個
(蘸醬)
芒果 半個
青檸汁 1茶匙
1. 先將燒雞的醃料拌勻，均勻地塗在雞上，醃最少 4-6小時 (最好隔晚)
2. 薯仔和蕃薯洗淨後用廚師機切成薄片 (用速度5)
先將配件安裝
同blender 一樣, 安裝簡單，對準三角位再扭實
可選用厚或薄片- 是同一塊刀片, 一面是厚切, 反轉是薄切
厚切和薄切的分別 - 薄切薯片會較脆, 厚切會較有口感
3. 將椰菜切細後，用廚師機切成絲 (用薄切刀片)，盛起備用
4. 芒果切粒後，與青檸汁倒入用攪拌器打成蓉 (速度2)，盛起備用
5. 春雞放在烤架上，讓雞皮風乾
6. 將焗盤放入焗爐 (中層) - hot air grill 設定 220C , 計時20分鐘
7. 期間將三色薯片和橄欖油、調味拌勻，放在焗盤上 (用牛油紙鋪底可避免黐底)
小貼士: 薯片不能重疊 (重疊就會腍)
8. 20分鐘後，將雞移到底層，薯片放頂層
9. 轉用3D hot air plus - 180C 10分鐘 (薄切) -15分鐘 (厚切)
**如果薯片是厚切，在10分鐘後要先將雞取出，以免雞肉過熟
燒雞皮脆肉滑
焗薯片又香又脆 (最重要是老公食得happy :)
沒有留言:
發佈留言