早餐腸炒薯仔

今年世界盃賽事多數都是零晨時分，開鑼只是一星期，熊貓眼已現 >_<  最難不是準時起身，而是空肚睇波，尤其是三點或六點開波的賽事，肚子總是一起為球隊打氣。三更半夜，真的沒有精力在廚房煮大餐，所以昨晚做了這個肉腸炒薯仔。材料和製作過程很簡單，只是用了中場休息的時間就完成了。

食譜只有兩三個步驟(就算平時小入廚的朋友都一定處理到)，最重要反而是選購合適的腸仔。今次用的是鮮肉腸，我喜歡用早餐腸 (breakfast sausage)，因為味道較咸和濃，和本身沒有調味的薯仔炒勻味道剛好。有朋友問為何一定要用鮮肉腸 ? 原因好簡單，因為煎熟時腸會流出肉汁和油，而薯仔會好像海棉一樣，將肉汁和油吸收。如果用製過的腸，煎時不會流出肉汁和油，成品的味道差得遠。

早餐腸  4-6條
薯仔   2個(小), 滾筒式切細件
黑椒   隨意
橄欖油 

1. 用中慢火，在平底鑊中加入少許橄欖油，再加入薯仔和早餐腸
2. 約30秒至一分鐘拌勻一次，將薯仔與腸仔的肉汁和油拌勻
3. 煎至腸皮香脆(薯仔肉腍)後用黑椒調味即可 (約12-15分鐘)