今晚食乜餸 #5

 

星期一: 蒜蓉炒菠菜、瑤柱蒸水蛋 、栗子炆排骨

星期二: 上湯浸油菜、炸鯪魚球、芋頭炆臘鴨髀

星期三: 蒜蓉蝦米炒紹菜、薑蔥炆鯇魚腩、洋蔥豬柳

星期四: 金銀蛋莧菜、薯仔炆雞翼、蕃茄炒牛柳

星期五: 蝦仁炒西蘭花苗、紅燒豆腐、白蘿蔔炆牛腩

老火湯:

牛蒡紅蘿蔔豬𦟌湯

材料:  新鮮牛蒡、紅蘿蔔、粟米、眉豆、豬腱、蜜棗

做法:  牛蒡洗淨後用刀背削去較髒的表皮，將所有材料放入涷水中，大火煲滾後轉細火煲約1.5 小時即可

小貼士: 牛蒡斜切會更易出味

功效:  促進新陳代謝，健脾益氣

海底椰栗子湯

材料: 海底椰、栗子、紅蘿蔔、粟米、瘦肉、蜜棗、南北杏

做法:  所有材料洗淨後加入凍水，以大火煲滾後再轉細火煲1.5-2小時

功效: 潤肺止咳、清熱解燥

滾湯:

芥菜豆腐肉片湯

材料:  肉片、豆腐、芥菜、薑片
做法:  先用生抽和糖將肉片略醃。鍋中注入水或雞湯，放入薑片煮滾(約2分鐘)。將所有食材放入滾湯中，煮約5分鐘即可。

今晚食乜餸 #4

 

星期一：蒜蓉炒豆苗、栗子冬菇炆雞、煎蝦餅

星期二：上湯浸油菜、香橙汁煎鱈魚、炒土豆絲

星期三：金華火腿津白、蓮藕煎肉餅、老少平安

星期四：肉絲炒西芹、葡國雞、煎釀豆腐卜

星期五：杞子上湯生菜、清蒸魚、洋蔥豬扒

老火湯:

花旗參石斛淮山湯 

材料:  花旗參、石斛、淮山、螺片，蜜棗

做法:  所有材料洗淨後加入凍水，以大火煲滾後再轉細火煲1.5-2小時

小貼士: 若果用花旗參片，建議最後 15 分鐘才下

功效:  降虛火、滋陰清熱

蓮藕章魚花生眉豆湯

材料: 蓮藕、章魚、西施骨、花生、眉豆、蜜棗、薑

做法:  所有材料洗淨後加入凍水，以大火煲滾後再轉細火煲1.5-2小時

功效: 補氣養血、健脾益胃

滾湯:

菠菜豆腐魚片湯

材料:  魚片、豆腐、菠菜、薑片
做法:  先用米酒、白胡椒粉和鹽將魚片略醃。鍋中注入水或雞湯，放入薑片煮滾(約2分鐘)。先落菠菜和豆腐煮2分鐘，最後加入魚片，再煮1-2分鐘即可。

今晚食乜餸 #3

 

老火湯:

粟米紅蘿蔔栗子豬骨湯 

材料:  沙參、玉竹、鮮百合、雪耳、無花果、蜜棗、瘦肉
功效:  滋陰潤肺、止咳生津

做法:  除鮮百合外，所有材料煲約1小時，最後 15分鐘加入鮮百合即可

川貝海底椰無花果湯 
材料: 鱷魚肉、川貝、海底椰、無花果、南北杏、陳皮、瘦肉

功效: 強健氣管、平喘止咳

做法:  材料洗淨後煲約1.5 - 2 小時即可

滾湯:

紫菜豆腐肉碎湯

材料:  紫菜、布包豆腐、免治豬肉、蝦皮
做法:  先用生抽和糖將豬肉醃１５分鐘，水滾後加入肉碎、蝦皮和豆腐，轉慢火煮３分鐘，最後加入紫菜即可

今晚食乜餸 #2

 

老火湯:

粟米紅蘿蔔栗子豬骨湯 
材料:  粟米、紅蘿蔔、栗子（去殼去衣）、豬骨(或豬腱) 蜜棗、淮山、茨實、生薏米、陳皮
功效:  健脾益胃, 祛濕

做法:  材料洗淨後煲約1.5小時即可


蓮藕淮山紅蘿蔔豬腱湯
材料: 蓮藕、紅蘿蔔、淮山、赤小豆、扁豆、豬腱、陳皮、蜜棗
功效:  健脾化濕、增進食慾並幫助消化

做法:  材料洗淨後煲約1.5小時即可

 

滾湯:

節瓜排骨湯
材料:  節瓜、排骨、瑤柱(浸軟)、薑
做法:  水滾後轉中火煲約30分鐘即可

今晚食乜餸 #1

汁燒雞漢堡配脆脆薯條

最近幾星期防疫措施又收緊，六點後冇堂食，逼住大家又要做疫境廚神。除咗去入貨，我地都甚少外出。一家三口連姐姐四個人，每日都在家困獸鬥。唯有每日襯個女訓午睡時先有啲me time，通常都係走入廚房睇吓今晚食乜餸。

早兩日OJ 上 zoom 堂時，偷聽到佢同老師講，最鍾意嘅食物係 1)薯條 (哩個係跟同學答嘅) 2)漢堡包 3)蘋果批 。頭兩個答案都好正路，因為平時我地都經常食，蘋果批就真係有啲奇怪，我地對上一次食都記唔起係幾時，唔知點解佢會咁答呢? 近排三餐都喺屋企食，餐餐食飯同食麵真係人都癲，今晚轉吓口味，食OJ 最鍾意嗰兩樣野~

台式肉燥配藜麥菜飯

簡易台式肉燥超下飯, 記住煮多啲飯哦 ~

無糖香蕉蛋糕 (BB版)

最近家中添置了一個小焗爐。主要用途都是為女兒焗少糖又無添加的蛋糕和麵包。現在小女22個月了，遇到新事物都感到非常好奇，像海棉一樣，吸收新智識和觀察能力都非常厲害。上星期只是用了焗爐焗小蛋糕一次，早兩天起床，她就不斷指向焗爐，示意要食蛋糕。現在的小孩子, 真懂得為自己爭取福利。

早兩天焗的是無糖香蕉蛋糕，口感鬆軟，且材料和步驟都很簡單，30分鐘就完成。順便一提，小蛋糕沒有加糖，所以挑選香蕉時必定要揀較熟的，因熟蕉會較甜，香蕉味亦較濃，若果選用了較生的香蕉，蛋糕就會欠缺香味和甜味。蛋糕無添加任何糖份或香料，12個月或以上的BB都可以食 (因用了全蛋，要注意寶寶是否對蛋白敏感)。

另外, 為了方便女兒食用，今次我用了超細的(1")蛋糕紙杯，所以烘焙時間較短，若果用正常的2"馬芬杯，烘焙時間大約要18-20分鐘。

鬆軟熱香餅

超鬆軟的熱香餅，其實不用在餐廳食，在家也可以輕易做到。做法和普通pancake 差不多，重點是先將蛋白用打蛋器打至企身再與其他材料混合。另外要注意的就是pan 的溫度，過熱的話pancake 會澎漲得很快，不過一離鑊時亦很快萎縮。所以第一次整，大家要試試自己的爐應用什麼火力 (我家是用電磁爐的，有9段火力，用2度火就剛剛好)。

涼拌手撕雞

夏日炎炎，最適合就是做涼拌菜色。中式前菜，海蜇可以說是我數一數二的最愛。以前貪方便，總是買即食海蜇，不過相比之下，即食海蜇和鮮海蜇皮做出來的效果，我覺得用海蜇皮做的肉質比較飽滿和厚身。步驟算簡單，不過等待的時間比較長，要約半天時間準備。

於街市購買到的海蜇皮，一般是用鹽醃着的，一大塊，重約一斤左右(或更大)，若果未能一次食完，可切出需要的份量，其餘的膠袋包好，於入雪櫃，可儲存幾個月。

卡邦尼意粉

自從有了小朋友，入廚時間自然比以前少，寫blog 的時間更少。下班後要先到奶奶家中接女兒，然後再到街市買餸，回到家有時真不願動，只想躺在梳化睡。以前總喜愛三餸一湯，現在女兒已經一歲，越來越喜歡粘著媽媽，別說三餸一湯，兩餸都有困難，所以懶起來晚餐只會煮簡單意粉或碟頭飯。

在餐廳食卡邦尼意粉多數都加了忌廉或奶，不過原來傳統Carbonara 材料並沒有這兩款食材。傳統卡邦尼意粉做法是將煙肉爆香(逼出油份後)，加入意粉及少量煮意粉時的水份，令煙肉油和水產生乳化作用，最後加入芝士蛋漿，用鍋的餘溫將蛋漿煮熟成汁。

其實製作過程非常簡單，不過很多新手都會失敗，只因未能成功掌握落蛋漿時鍋的溫度: 太熱的話漿蛋會變成炒蛋，太凍的話就不能成汁。最簡單的方法就是用耳朵當"溫度計"，爆香煙肉後熄火，加入意粉及水，讓鍋降溫，初時加入意粉，應該會聽到"沙沙"聲，待沒有"沙沙"聲後，鍋已降到合適的溫度，可加入蛋漿。我用這個方法百試百靈，希望可以幫到新手們。

合桃糊

上一次簡介了Bosch VitaBoost的基本功能，今次講detail少少、順道分享多幾張靚相。

攪拌器配備耐用2 公升Tritan™耐溫塑膠攪拌杯，不含BPA，冷熱食物都可安心使用，容量大，可以一次過處理大量食材。

攪拌器操作簡單，除了六個預設攪拌模式，還可以自行調教轉速，用Pulse 功能可以按需要控制攪拌時間。

六大自動模式包括:  奶昔 (20秒)、沙冰 (50秒)、熱湯(5.5分鐘)、醬料 (25秒)、雪糕 / 雪葩 (55秒)及清潔模式。

1600Ｗ強效馬力加上６葉不鏽鋼刀片，大大縮短食材處理時間。每分鐘可切割食物180,000次，連整條魚或龍蝦殼都可以打碎(過篩不會有魚骨)。

只需短短10秒 (用pulse 模式)，就可以將冰糖完全打成糖粉。

配備攪拌棒，攪拌時有助將葉菜類食物推下攪拌。

隨機附送一本精美食譜書，內有30個健康食譜，教你使用5 個攪拌模式。另外，亦可安裝Bosch攪拌機系列的app - VitaBar²，按您喜歡的蔬果選擇，為您設計健康飲品。

早兩晚餵完夜奶，突然想食甜品，用熱湯模式打合桃糊，室溫材料直接放入攪拌杯，連預備時間，15分鐘內做出香噴噴的命合桃糊，快過落街買。

香濃木瓜魚湯

做 blogger 最開心就是經常收到贊助商的新產品，可以第一時間試到新玩意。上星期收到Bosch 的VitaBoost高速攪拌機，亮黑機身，操作簡單，馬力強勁，每分鐘可切割食物180,000次。除了可以自己調教速度，亦備有6個自動模式: 奶昔、沙冰、熱湯、醬料、雪糕 / 雪葩及清潔。當中我最愛的是熱湯功能，因為聽聞它可以將整條魚(連骨)打碎。吸引之處，是攪拌過程中湯不但沒有降溫，反而會慢慢變熱，即使是用了室溫的食材，攪拌完後可達約80°C 左右。而最吸引我老公的，當然是清潔功能，每次用完後可注入清水，再啟動清潔模式，將食物殘渣清去，令清洗更輕易。

今次試用了熱湯模式，除了可以打出滑滑的熱湯，亦可以做出多款中式糖水(下次再分享糖水食譜)。熱湯預設模式要330秒 (5.5分鐘)完成，如果打果菜湯，無需烹調就可以直接攪拌。不過今次我煲魚湯，始終生魚有機會有菌，煎完魚後我將湯略煲10分鐘，確保魚是全熟才攪拌。

只需五分半鐘，就打出軟棉棉的熱湯，口感有點像西湯般foamy ，雖然是連骨打，但完全找不到魚骨的蹤跡，攪拌機果然厲害。因為連同魚骨一起打，味道比一般魚湯濃，老公試味時還以為我加了奶或忌廉一起打，其實只有魚和木瓜。

後記: 木瓜魚湯適合哺乳媽媽飲，選購木瓜時要揀青木瓜，陪月話會比較上奶。

芝士焗通粉

放完幾個月悠長產假，上個月底終於復工。現在每日都要安排湊B、做家務和入廚時間，在職媽媽不易做，恨不得每日有48小時。雖然好多朋友都勸我放工後好好休息，不要堅持每晚三餸一湯，不過為了囡囡可以食到有營養的母乳，可以避免的話都不想食外賣。為了方便有時亦會週日準備定星期一的晚餐，芝士焗通粉可以預早準備，放工回家放入焗爐便可，非常方便。

今次食譜我用了中濃度(Medium Age)的車打芝士和淡味的水牛芝士，芝士控可選用Aged Cheddar ，芝士味會較濃。


視像示範:

棉花糖芝士蛋糕

天氣開始涼, 又係BBQ季節喇~ 燒野食又點少得棉花糖呢? 咁多年燒野食都係買經典美國棉花糖品牌Rocky Mountain，質感輕盈，口感獨特，將佢慢烘到外脆內軟，諗起都想食。 不過大家又知唔知棉花糖除咗燒烤仲有好多食法架。

前兩日突然手痕想整甜品，咁啱屋企有半包燒野食淨落嘅棉花糖，就諗到整老公最愛嘅芝士蛋糕，哩個免焗版只需30分鐘就完成，哄咗個女訓覺就開工，餵完半夜支奶就有得食喇。

Barefoot x DayDayCook Blogger Event

早前出席Barefoot x DayDayCook 活動的食譜

黑松露雜菌忌廉湯

天氣開始轉涼，除了煲一些滋潤湯水，亦是飲忌廉湯的季節。夏天飲忌廉湯總是覺得有點膩，冬天飲就暖笠笠。其實忌廉湯底做法不難，只要用牛油炒香麵粉，再加入適量奶煮滾便可。基本上可以用同一方法煮意粉汁，只是將奶的份量減少，令汁變稠。今次將最經典的雜菌忌廉湯加少少黑松露醬，提升味道。

一般用來煮醬汁我不會買價錢太貴的黑松露醬。黑松露醬價錢由黑松露含量決定，價錢平的可能只有3-5%黑松露，想食得好，可揀選約10-20%含量的黑松露醬，味道會較香，不過價錢當然會較貴。

黑椒洋蔥豬扒

這道菜其實不算難，不過要煮得好食，就要花少少時間。由醃肉到完成，最快都要一小時，當然，醃肉時間越長，豬扒就會越入味。我覺得整個餸的主角就是洋蔥，煮腍了的洋蔥吸收了豬扒的肉汁，實在太好味。雖然洋蔥是主角，不過豬扒亦不能忽視，我選用了梅頭豬扒，肉質會較腍。只要火候控制得好，不要將豬扒煮到過熟，豬肉就不會實，關鍵是洋蔥和豬扒要分開煮。

麻辣蒜泥白肉

早兩天有朋友送了一樽麻辣醬給我，原本是想用來煮老公最愛的雞煲，不過因為每天都夜放工，沒有時間打邊爐，最終晚餐都是簡單煮了幾味。

以往煮蒜泥白肉都是用五花腩，今次為了慳時間，特別轉用了豬肉片，烹調時間由30分鐘變成30秒。整個餸比較花時間的步驟應該是將青瓜和豬肉卷起，不過是沒有特別技巧的動作，就算是新手都沒有難度，不過看起來個餸就精緻好多。

泰式香茅花蛤湯

上星期快閃去了曼谷幾天，回來後一直未忘泰國菜的味道。可惜一連幾晚都要OT，所以只夠時間煮簡單的晚餐。在泰國食的版本是用蜆做的，不過無奈前晚只能買到花蛤，其實花蛤和蜆都算是同類，不過花蛤的肉和殼較薄身，若果是炒菜我會比較鍾意蜆，不過用來做湯的話就無所謂。