芝心西多open toast

眾所周知，用橄欖油煮食有助心臟健康和減少血脂。同時它亦含抗氧化物，讓愛美的女士們皮膚更亮麗和青春常駐。不過在我的意識裡，橄欖油一般都只可以用來做沙律或煮西餐，因為味道較濃和燃點低，用來炒或炸就會較易燶。直至接觸Filippo Berio (百益) 的橄欖油之前，我從未試過用橄欖油炸食物。

比起特純橄欖油(Extra Virgin Olive Oil)，清淡橄欖油(Extra Light Olive Oil) 顏色和橄欖味都較淡，用後不會掩蓋食物原本的鮮味，適合高溫煮食或煎炸。今日分享的食譜是用了清淡橄欖油，而我用的烹調方式是半煎炸，果然沒有濃烈的橄欖香，效果不錯。

西多士是下午茶經常會點的小食，我也是西多的粉絲。不過喜歡芝士的我，今次改用了車打芝士做餡 (如果想做到切開一絲絲芝士的效果可改用mozzarella cheese)，再放上牛油果和香脆煙肉做成open toast。選購牛油果時一定要揀較熟的，因為食時要將牛油果壓扁(讓牛油果變成"膠水"將多士和煙肉二合為一)。

蛋  2隻
鮮奶  100毫升
麵包  4片
車打芝士/水牛芝士  2片
牛油果  1個(較熟的), 切片
煙肉 2片
鹽/黑椒
Filippo Berio 清淡橄欖油

1. 用少許橄欖油將煙肉以慢火煎至香脆，盛起備用

2. 牛油果切半後再切片

3. 將蛋打散再加入鮮奶，攪拌至勻，可加少許鹽和黑椒調味，蛋漿倒進深碟備用
4. 車打芝士放在兩片麵包中，再小心放進蛋漿裡，待麵包完全吸滿蛋漿即可
5. 在平底鑊裡，倒入約1吋的百益清淡橄欖油，以中火加熱，待油熱就可慢慢放入西多半煎炸 (可用木筷子測試溫度，將筷子放入熱油中，若有氣泡即是油已經夠熱)
6. 約3-4分鐘後小心反轉西多，炸另一面，兩面金黃後就可盛起
7. 將牛油果和煙肉放在多士面即可 (食時要壓蓉牛油果先好食呀 :)