菠蘿炒飯

唔知點解，一到菠蘿，就想整菠蘿炒飯。今次特別之處，就係用咗迷你菠蘿(可以一人一個，唔洗爭)。 雖然材料好簡單，但係個個都可以自己一個菠蘿，好開心 <3

泰式炒飯

夏日炎炎，食泰國野最有feel。食哩個飯，最緊要記住唔好開冷氣，要開窗...再閉目....感受微微的暖風由窗口吹入....食一口炒飯，係咪好似去咗泰國啲resort咁呢? 哈哈，不過我都係怕熱之人，都係開返冷氣算啦~

泰色炒飯o既黃色，係來自薑黃粉。用薑黃粉要好小心，記住帶圍裙(最好唔好著白色衫啦)，免得唔少心，白色衫變成黃色波點衫 =p

黑松露蛋炒飯

炒飯雖然好似好簡單，但要炒得好食就一啲都唔容易，尤其係用鐡鑊炒。不過"健康"o既我，多數都會用易潔鑊，因為可以用較少油都做到好好o既效果。睇過<食神>o既朋友都會知，炒飯係要用冷飯架!咁如果雪櫃冇冷飯咁又可以點呢?如果係要用新鮮飯的話，最緊要記住煮嗰時落少啲水(我通常會落九成水)，咁就可以炒到"粒粒飯"架喇! 今次係我第一次用黑松露炒飯，事關我係用黑松露醬(味道會較鮮黑松露淡)，所以落後較重手，相入面一點點嗰啲唔係黑椒而係黑松露=p 材料雖然簡單，但啖啖都有黑松露o既香味, 真係一級享受呀~

燒肉節瓜炒飯

之前開年飯太豐富 =p 剩餘太多食物，又唔想重食返之前啲餸，唯有諗啲新配搭啦。原來燒肉同節瓜係好朋友。簡單的炒飯，加咗節瓜，冇咁膩，大節過後，要食清啲 =)

煙肉栗子炒飯

今日比較早食飯...十點幾就開始肚餓...唯有睇吓雪櫃有咩食得。結果整咗哩個炒飯，需然製作時間較長，不過好香好好食，食咗成碗都唔夠候 =p 如果你都餓餓地，雪櫃又有栗子，不妨試吓~

德國腸炒飯

自從日本地震後，今年真係少咗好多朋友去日本。而今年最hit o既旅遊熱點，就係歐洲。有個朋友問我要咩手信，為食o既我，就話要樣食得落肚o既野...結果，我o既手信就係一條德國腸。德國腸，最好就係煎香食，哈哈，一路爆香就已經忍唔住"試食"，食吓食吓，就冇咗1/4 =p 今晚又一懶人之作，隨咗德國腸，仲有少少前兩餐用剩o既瑤柱同翠玉瓜。全部炒埋一堆，就係一個美味炒飯~

德國腸，翠玉瓜，瑤柱，冷飯

义燒炒飯

一個百食不厭又經典o既炒飯...本來諗住唔洗寫步驟...但竟然有朋友同我講佢唔識落咩先,實在太簡單, 所以放入"極速晚餐"系列入面

冷飯

雜菜 1/4杯

义燒 1/4 杯, 切粒

蛋 1只

蔥 1湯匙, 切粒

鹽 1/4茶匙

1. 用中火,將冷飯用少量油炒熱

2. 加入雜菜粒及义燒，抄勻後再加入打勻的蛋，等15秒

3. 最後, 加入蔥及鹽，炒勻即可

野菌意大利飯

墨西哥牛油果炒飯