夏日炒五蔬

今年啲天氣都唔知搞咩...六月都未完就已經三十幾度，差唔多日日都酷熱警告，真係好想快啲到秋天。天氣太熱，想食清啲，唔多想食肉。之前去西餐廳，做伴碟o既係一堆用茄膏炒的雜菜。今次哩個炒五蔬的構思都係沿住嗰個路線，不過因為想健康少少，用鮮茄代替咗茄膏。除咗味道清新，顏色又靚，正~

哩個餸要注意蕃茄o既大細，因為要將蕃茄煮至軟身(先做到鮮茄醬的效果)，所以蕃茄不能切得太細，唔係煮好就會變成好細舊。

清酒魚柳

之前有朋友過來食飯，攞咗支清酒過來。 酒，我就唔係好識飲，只係識用來煮野食 =p 遲吓仲會出多兩個食譜都係用清酒做架，鍾意以酒入饌的朋友，記住留意吓喇~

哩個食譜特別之處就係用咗西蘭花去吸收返魚同酒o既精華，好正架 !