香煎羊架配黑醋車厘子汁

夏天是車厘子盛產的季節，新鮮摘的車厘子除了可以當作生果外亦能當甜品的主角。其實鮮甜的車厘子，亦可配肉類。深紅色的醬汁是由車厘子、黑醋、紅酒加上湯煮成。這個醬汁非常百搭，配紅肉或白肉皆可，而製作簡單。醬汁的精華在就是煎羊架時的油份和肉汁，所以煎完羊架後切勿清潔平底鍋，只要將醬汁材料放進鍋裡煮3-5分鐘即成。

至於羊肉的生熟程度，我較為喜愛七至八成熟，羊肉與牛肉不同的地方就是羊肉有點羶味，太生的話只能吃到羶味而沒有羊的香味。

香草燒牛肉

話說買哩舊牛肉嗰時係諗住整beef wellington。到到想整嗰日喺超市竟然買唔到酥皮...冇計啦，唯有轉plan b，簡單焗個roast beef。今次用咗焗牛肉時流出的精華加紅酒煮咗個濃汁，好香，如果個汁加少少菇菇去煮，味道一定更豐富。

焗牛肉有兩個小貼士可以令肉質更juicy:
1. 焗前一小時，由雪櫃取出牛肉，令牛肉反回室溫
2. 由焗爐取出燒牛肉後靜置最少10-15分鐘先切成片，有助燒肉保留肉汁