黑松露雜菌忌廉湯

天氣開始轉涼，除了煲一些滋潤湯水，亦是飲忌廉湯的季節。夏天飲忌廉湯總是覺得有點膩，冬天飲就暖笠笠。其實忌廉湯底做法不難，只要用牛油炒香麵粉，再加入適量奶煮滾便可。基本上可以用同一方法煮意粉汁，只是將奶的份量減少，令汁變稠。今次將最經典的雜菌忌廉湯加少少黑松露醬，提升味道。

一般用來煮醬汁我不會買價錢太貴的黑松露醬。黑松露醬價錢由黑松露含量決定，價錢平的可能只有3-5%黑松露，想食得好，可揀選約10-20%含量的黑松露醬，味道會較香，不過價錢當然會較貴。

蘑菇   約10粒
舞菇   1包 (或其他啡菇)
洋蔥  1個, 切粒
黑松露醬  2茶匙

牛油   3湯匙
麵粉   3湯匙
奶   500-700毫升 (置室溫 約10分鐘)
海鹽/黑椒  隨意

1. 用食物處理器將菌類和洋蔥打成幼粒 (沒有食物處理器可用刀切)

2. 開中火，用牛油炒香雜菌和洋蔥(約2分鐘)

3. 灑上麵粉，炒至麵粉與菌類混合

4. 慢慢將一半的奶倒入，再轉大火煲滾，期間要不停攪拌

5. 按個人喜好的稀稠，再加入其餘的奶

6. 加黑松露醬，略煮1分鐘，帶出香味，熄火後可用鹽和黑椒調味