榨菜肉丸

平時整榨菜同豬肉，總係將啲豬肉切成絲或片，然後炒或蒸。唔知點解，突然會諗到整成丸形。效果比想像中好，因為起切驚蒸完或者夾起時會散開，結果粒肉丸好乖，由夾起到放入口都好完整。

鬼馬粢飯

2012年第一個post: 飯! May姐話齋，祝大家"飯飯掂"~ 希望來年大家日日都咁開心，最緊要係多啲時間陪屋企人，煮多啲好野俾佢地食=)


粢飯可以講係我最終意食o既早餐之一。以前有個舊同事成日請我食...而家間公司附近有得賣...唯有放假自己整來食。今次哩個粢飯有啲鬼馬, 係因為佢個餡唔係用油炸鬼，而係用春卷...最主要係因為我屋企樓下係冇油炸鬼賣，又突然好想食喎...唯有搵另一樣脆脆地o既野去代替啦。呵呵，點知味道又唔錯喎，所以決定同大家分享~