柚香豬皮爽

整燻蹄，一定會剩返啲頭頭尾尾做唔到一塊完整o既燻蹄。為咗唔浪費食物，所以諗吓有咩食法可以令佢變成另一個菜色。不過有個難度就係啲豬皮全部都三尖八角，唯有將啲豬皮再切細塊啲。六小碟放埋一齊，最理想就係每款都有唔同o既口感同味道;為令豬皮爽o既味度特別突出，今次試用甜o既汁料，雖然好小前菜會用甜o既配汁，不過同埋另外幾個前菜一拼食，效果又真係幾好~

燻蹄

講起中式頭盤，好多人第一時間就會諗起燻蹄。今次第一次整，都唔敢抱太大期望，點知整落，原來都唔算太難，只要每個步驟"做到足"，就一定整得成 =)

涼拌雲耳

有冇印象之前喺facebook 見過我宴客o既相呢 ? 哈哈哈...講到好似好多人咁...其實只係幾位朋友，不過特地預備咗幾款冷盤，諗住未食飯前一面傾偈一面食。六小碟當中，除咗有之前已經介紹過o既蒜香酸瓜同滋味海蜇外，仲有今日o既涼拌雲耳、燻蹄、涼拌野菌同柚香豬皮爽。有點唔好意思...因為啲菜名實在太冇創意喇...不過，勝在一聽就知個餸係乜呀麻 =p

請大家密切留意，一連幾日都會介紹哩六小碟o既食譜。