韓式菠菜沙律

菠菜沙律，係每次韓燒前一定會食o既前菜其中一碟。比起泡菜同其他"小碟"，菠菜沙律o既製作時間短好多，只需幾分鐘就完成。有時喺家中宴客，想喺準備飯餸時有啲野俾朋友食，除咗拍青瓜或海蜇之外，哩個都係一個好選擇。

今次我係用咗韓式醬油，如果屋企冇的話，我曾經試過用生抽加少少糖都可以。味道當然冇咁地道啦，但係都呃到人架 ~

韓式番薯粉絲

今次係第一次挑戰韓式番薯粉絲。其實我唔係太肯定哩個係咪正宗o既炒法，好味就得啦~ 我成日都好鼓勵朋友們用自家創o既調味同方法烹調，因為煮野食唔同計數，冇話得一個方法煮o既 =) 原來番薯粉絲唔係太處理，最緊要係出水嗰時唔好過熟，唔係就會影響口感架喇。