鵝肝配黑醋汁

每次朋友約食自動餐，我第一樣會問o既就係有冇鵝肝食。好食o既野永遠都係咁高膽固醇 :p  自從早兩個禮拜喺超市買咗幾塊鵝肝之後，一連幾個周末都係嘆鵝肝做下午茶，不知幾正~

其實喺屋企整鵝肝一啲都唔難。我通常會買一片片o既鵝肝(雖然貴小小，但係慳返唔洗自己清啲血管)。鵝肝本身油份好高，一遇熱就會出油，所以煎嗰時只要落極微量油就夠。另外，最重要就係煎前一定要保持鵝肝喺冰凍狀態，若果鵝肝係室溫o既話，到煎時一落鑊就會成夠鵝肝溶咗。只要跟住以上小貼士，就一定成功!

沙嗲蝦配印尼抓餅

有跟開自家廚扆個facebook page都會知道哩個蝦沙嗲係我幾個禮拜前o既下午茶，不過到今日先有時間出食譜。 哩個簡單下午茶，最緊要就係爆香啲蒜蓉同蝦先，成個沙嗲都會香好多架 !