肉乾炒通菜

上個禮拜有個星加坡o既朋友來咗香港，手信當然就係星州o既豬肉乾 ! 成兩磅咁多，真係食唔哂! 之前朋友已經教我可以將食淨o既肉乾放入雪櫃，到食時再攞出來放入焗爐加熱。味道都還可~   不過唔係個個屋企都有焗爐，所以佢都教咗我第二個方法，就係放上飯面蒸 ! (好似臘腸咁，乾水後就可放肉乾上飯面) 唔好覺得好驚奇，真係好好食架 !!


早兩晚俾我發現咗第三個食法，就係用來炒通菜 :) 概念係來自馬介休炒菜，都係嘗試搵啲惹味o既材料同菜一齊炒，令到菜都更香。我自己就幾鍾意，你都試吓啦 ~