白酒煮蜆

好啦, 忍唔住要煮哩個喇 ! 就係白酒煮蜆 ! 因為實在有太多朋友問喇! 因時間關係，今次只係出咗"速成"版(當然，味道會"普通"啲啦)，遲吓有時間，我會出埋個"特別"版，請大家留意 ! 


處理蜆要注意，因為近排天氣較熱，吐沙時最好放入雪櫃，免得蜆變壞 =) 其實哩個食譜可以用來煮任何貝殼類海產，例如花甲、蟶子、青口等等。鍾意食辣o既朋友，可以加鮮辣絲，不過我覺得加辣會搶咗海鮮o既鮮味。

蜆 約1磅
洋蔥 半個，切粒
蒜蓉 1茶匙
牛油 1湯匙
白酒 約3/4杯
鹽 約1/2茶匙

1.先沖乾淨蜆殼，放大碗裡用水浸過蜆讓它"吐沙"(小貼士:在水裡加入約1/2茶匙鹽可加速吐沙的時間，注意，太多鹽有機會整死啲蜆，切勿心急)。吐沙期間切勿將碗移動，一"震"啲蜆就會"收口"，加長吐沙時間。
2.以中火，用牛油爆香蒜蓉及洋蔥至洋蔥透明
3.轉大火，加入蜆快炒，讓牛油沾住每一隻蜆
4.(蜆殼應該未開)加入白酒，略炒勻後蓋上蓋約30秒，助酒精蒸發
5.蜆殼應該慢慢打開，蜆殼打開後可灑上鹽略炒勻即成






喜歡哩個食譜的話，可以試埋用三色椒煮的<白酒煮青口>



成為粉絲，即時收到自家廚房最新消息 !