24.6.14

叻沙薯片

片和啤酒是每一場賽事必備的。啤酒我還未懂得自已釀,不過最近就開始自家焗薯片。焗薯片比炸薯片用較少油,健康得多。自家製當然要盡量做些平時買不到的味道。咖哩味和辛辣味就買得多, 叻沙味印象中未見過, 即管試試。

製作超容易, 最緊要是薯仔切得夠薄(切得越薄焗完就越脆),今次絕對是練刀工的好機會。另外一個重要步驟就是將薯仔表面的澱粉質用凍水沖洗,焗時薯片會較易脆身。





市面上有幾個牌子的叻沙醬,今次我用了來自馬來西亞的。叻沙是星馬印的特色,所以選購叻沙醬我首選是用來自星馬印的品牌,感覺口會較地道。一般焗薯片需在薯片上塗上一層薄薄的橄欖油再調味,不過今次用的叻沙醬已經有油,所以不用另外加油已經做到好脆的口感。


Ayam Brand有兩款叻沙醬 Laksa Paste 同 Laksa Sauce,"paste" 是較稠的那一款,較適合做今次的薯片調味 (醬汁太稀會較難焗脆)。




Ayam Brand 叻沙醬  2湯匙
薯仔  2個 (中)
海鹽/黑椒  少許
橄欖油 (塗在焗盤上)


1. 刷淨薯仔皮,再切成超薄片
2. 用凍水沖走薯片表面的澱粉質後再用乾淨的布印乾薯片的表面水份
3. 將叻沙醬與薯片混合,至每片薯片的兩面都沾滿叻沙醬
4. 將沾滿叻沙醬的薯片排在塗了少許橄欖油的焗盤上(不要重疊*),灑上少許海鹽和黑椒
5. 以180°C 焗約15-20分鐘後取出反轉,再焗5-10分鐘 (焗的時間可按厚薄加減)


小貼士: 薯片若果重疊了就會很難焗至脆身 



2 則留言:

  1. 請問焗爐是否要具備對流風功能?

    回覆刪除
    回覆
    1. Heidi: 唔需要對流風架 (當然有會好啲, 顏色會較均勻), 我今次冇用對流, 因為我覺得自家製, 有一兩塊"燶燶哋" (好似張相咁)先有feel ^_^

      刪除

Related Posts Plugin for WordPress, Blogger...