藍莓班戟

唔知點解，早兩個禮拜日起身嗰時突然好想食班戟。望吓個雪櫃，有盒藍莓，啱哂! 今次食譜用咗buttermilk (酪乳)。Buttermilk個名有啲誤導成份，事關酪乳其實同一般牛奶的分別，主要係酸性較高，而唔係較肥。用酪乳取代奶，可令蛋糕更鬆同更濕，再者，會冇咁容易焗燶。用來做班戟，可令班戟軟棉棉，十足十平時買現成班戟粉開出來的口感!

哩個食譜最難o既地方，就係買齊材料，因為喺香港，buttermilk 並不容易買到。即使搵到，價錢都會比較貴。不過，我又點會介紹一個整唔到o既食譜呢 ? 當然有解決方法啦 ! 就係自家製酪乳 ! 做法好簡單，就係將1湯匙的白醋加入1杯鮮奶入面，拌勻後等5分鐘 (奶會變得少許稠)。大家不防試吓 !